erdoghan shimaliy iraqqa herbiy heriket qozghashning bésharitini berdi

dölitimiz jumhur reisi rejep tayyip erdoghan "sinjarghimu, qandilghimu herbiy heriket qozghaymiz" dégen sözliri bilen, shimaliy iraqqa herbiy heriket qozghashning bésharitini berdi.

988433
erdoghan shimaliy iraqqa herbiy heriket qozghashning bésharitini berdi

türkiye awazi radiyosi xewiri: jumhur reis rejep tayyip erdoghan bir xususiy téléwiziye qanilining ziyaritini qobul qilip, küntertip heqqidiki soallargha jawab berdi. u sözide, bölgünchi térrorluq teshkilati p k k gha qarshi küresh qilish musapisini chüshendürdi. u: "türkiye qandilda herbiy heriket qilamdu?" dégen soalgha, mundaq jawab berdi:

"bu mesilining ikki amili bar, qandil bar, sinjar bar. eger, hazir iraqtin türkiyege her qandaq tehdit shekillense, elwette bu mesilini iraq hökümiti bilen tézlikte körüshüp, muzakire qilimiz, démisimu pat-pat bundaq tehditler bolup turidu. baghdad hökümiti <men bu mesilini hel qilimen> dése téxi yaxshi. <hel qilmaymen> dése, héchkimdin ijazet almaymiz, sinjarghimu, qandilghimu herbiy heriket qozghaymiz. hetta, men mahmurni birinchi qétim aghzimgha aldim, mahmur nahayiti muhim. b d t ning mundaq belgilimisi bar, undaq belgilimisi bar déyiliwatidu. b d t mahmur mesilisini hel qilishi lazim. chünki mahmurda térroristlar terbiyeliniwatidu, u yer térroristlarning uwisi."

u: "b d t bilen bu toghrida élip bériliwatqan uchrishish barmu?" dégen soalgha, bu toghrida burun uchrishishlarning ötküzülgenlikini, bu mesililerni b d t ning sabiq bash katipi ban kimun bilen nurghun qétim sözleshkenliklirini eskertip: "hazir antoniyo gutérs bilen sözlishiwatimiz. birsi bu ishni hel qilsun. hel qilsa qildi, qilmisa, qilishqa tégishlik ishni biz qilimiz, bu yer térroristlarning uwisidur" dep jawab berdi.

u mesilini baghdad hökümiti bilen birlikte muzakire qilip, qedemmu qedem hel qilinishining ehmiyitini tekitlidi we: "qandil qeyerge tayinidu dep oylaysiler, mahmurgha tayinidu. bularni xata oylimayli, sinjar eslide kichik qandil" dédi.



مۇناسىۋەتلىك خەۋەرلەر