әрдоған шималий ираққа һәрбий һәрикәт қозғашниң бешаритини бәрди

түркийә авази радийоси хәвири: җумһур рәис рәҗәп таййип әрдоған бир хусусий телевизийә қанилиниң зийаритини қобул қилип, күнтәртип һәққидики соалларға җаваб бәрди. у сөзидә, бөлгүнчи террорлуқ тәшкилати п к к ға қарши күрәш қилиш мусаписини чүшәндүрди. у: "түркийә қандилда һәрбий һәрикәт қиламду?" дегән соалға, мундақ җаваб бәрди:

"бу мәсилиниң икки амили бар, қандил бар, синҗар бар. әгәр, һазир ирақтин түркийәгә һәр қандақ тәһдит шәкилләнсә, әлвәттә бу мәсилини ирақ һөкүмити билән тезликтә көрүшүп, музакирә қилимиз, демисиму пат-пат бундақ тәһдитләр болуп туриду. бағдад һөкүмити <мән бу мәсилини һәл қилимән> десә техи йахши. <һәл қилмаймән> десә, һечкимдин иҗазәт алмаймиз, синҗарғиму, қандилғиму һәрбий һәрикәт қозғаймиз. һәтта, мән маһмурни биринчи қетим ағзимға алдим, маһмур наһайити муһим. б д т ниң мундақ бәлгилимиси бар, ундақ бәлгилимиси бар дейиливатиду. б д т маһмур мәсилисини һәл қилиши лазим. чүнки маһмурда террористлар тәрбийәлиниватиду, у йәр террористларниң увиси."

у: "б д т билән бу тоғрида елип бериливатқан учришиш барму?" дегән соалға, бу тоғрида бурун учришишларниң өткүзүлгәнликини, бу мәсилиләрни б д т ниң сабиқ баш катипи бан кимун билән нурғун қетим сөзләшкәнликлирини әскәртип: "һазир антонийо гутерс билән сөзлишиватимиз. бирси бу ишни һәл қилсун. һәл қилса қилди, қилмиса, қилишқа тегишлик ишни биз қилимиз, бу йәр террористларниң увисидур" дәп җаваб бәрди.

у мәсилини бағдад һөкүмити билән бирликтә музакирә қилип, қәдәмму қәдәм һәл қилинишиниң әһмийитини тәкитлиди вә: "қандил қәйәргә тайиниду дәп ойлайсиләр, маһмурға тайиниду. буларни хата ойлимайли, синҗар әслидә кичик қандил" деди.