binali yildirim erméniyening pozitsiyesining muhim ikenlikini bildürdi
dölitimiz bash ministiri binali yildirim erméniye türkiyege bolghan düshmenlerche pozitsiyesidin waz kechse, uninggha asasen jawab qayturulidighanliqini éytti.
türkiye awazi radiyosi xewiri:bash ministir binali yildirim paytext enqerede muxbirlarning ziyaritini qobul qilip, erméniye heqqide sorighan soallirigha jawab berdi. u erméniyening yéngi bash ministiri nikol pashinyan éytqan "türkiye bilen shertsiz halda diplomatik munasiwetlerni ornitishqa teyyarmiz" dégen sözlerge qarita mundaq dédi:
"elwette, erméniye yillardin buyan türkiyege qarshi dawamlashturup kelgen düshmenlerche pozitsiyesidin we türkiyening zémin pütünlüki hemde chégralirigha bolghan xata pozitsiyeliridin waz kéchip, yéngi bet échishni xalisa, bulargha munasiwetlik tepsilatlarni körüp, uninggha qarita jawab bérimiz. biz héchkim bilen, bolupmu muhimi qoshnilirimiz bilen adawet ichide yashashni xalimaymiz. mundaq arzu bolsa, uni dölitimizning menpeetlirige qarita qarap chiqimiz."
