әрдоған: пәләстинликләр барлиқ мәзлумларниң символи
дөлитимиз җумһур рәиси рәҗәп таййип әрдоған пәләстинликләрниң барлиқ мәзлумларниң символи икәнликини ейтти.
түркийә авази радийоси хәвири: җумһур рәис рәҗәп таййип әрдоған истанбулда "зәйтун теғи тинчлиқ мукапатлири" ни тарқитиш мурасимиға қатнашти вә муһим сөз қилди.
рәҗәп таййип әрдоған пәләстин вә қуддус мәсилисиниң пәқәтла бир хәлқниң, бир җуғрапийәниң йаки бир шәһәрниң дәваси әмәс, бәлки дучар болған зулумлар, қәтлиамлар вә адаләтсизликләр сәвәбидин барлиқ мәзлумларниң символи икәнликини тәкитлиди. у мундақ деди:
"биз инсанийәтниң, болупму тинчлиқниң мәркизий болуши керәк болған пәләстин вә қуддусниң исмини зулум билән йанму йан йазған исираилийә һакимийити үстидин икки дунйадиму дәвачи болимиз."
у сөзидә, б д т ниң дунйадики мәсилиләргә чарә тапалмиғанлиқини әскәртти вә йәнә бир қетим "дунйа бәштин чоң" деди.
у: "немә тоғра болса, шуни ахирқи нәпсимизгичә қоғдаймиз. дунйадики барлиқ дөләтләрниң бихәтәрликини пәқәт бәш дөләтниң мәнпәәтигә асасән уларниң ихтийарлиқиға ташлап бәргән түзүмни давамлаштурғили болмайду. әмди б д т ни ислаһ қилиш, қилмиса болмайдиған иштур' деди.
у мундақ деди:
"фирансузлар алҗирийәдә 5 милйон кишини өлтүрди, ливийәдиму йәнә шу фирансузлар чоң көләмлик қәтлиам йүргүзди, дунйа буниңға һечнимә демиди. бу һәр даимқидәк охшаш ойун, әтиму охшаш болиду. чүнки қурулма мушундақ, характер мушундақ."
рәҗәп таййип әрдоған инсанийәтниң келәчикини, пәләстин вә қуддус мәсилисидики синақ билән қолға кәлтүридиған нәтиҗиниң бәлгиләйдиғанлиқини билдүрди.
у: "бу синақтин пишанимизниң тәри өтәлисәк, инсанийәт болуш сүпитимиз билән келәчикимизгә ишәнч вә үмид билән нәзәр ташлийалаймиз" деди.
