бинали йилдирим моңғулийә зийаритини башлиди

дөлитимиз баш министири бинали йилдирим рәсмий дөләт ишлири зийаритидә болуш үчүн моңғулийә пайтәхти уланбатурға йетип кәлди.

945600
бинали йилдирим моңғулийә зийаритини башлиди

түркийә авази радийоси хәвири: баш министир бинали йилдирим моңғулийә пайтәхти уланбатурға йетип барди. у моңғулийә билән болған сода омумий соммисиниң интайин аз икәнликини әскәртип: «30 милйон долларлиқ сода омумий соммисини қисқа вақит ичидә 300 милйон долларға чиқиришимиз керәк» деди.

у 2019-йили икки дөләтниң дипломатик мунасивәт орнатқанлиқиниң 50-йиллиқиниң тәбриклинидиғанлиқини билдүрүп, икки дөләт сода омумий соммисини 10 һәссә ашуруш керәкликини тәкитлиди.

икки баш министир көрүшүштин кейин, келишимләргә имза қойуш мурасимиға қатнашти. түркийә-моңғулийә оттурисида йәттә келишим имзаланди.

баш министир бинали йилдирим икки күнлүк моңғулийә зийаритиниң биринчи күнидә, моңғулийә баш министири қурәлсуқ уқна, пирезидент қалтма баттулға вә парламент башлиқи миәйгомбо әнқоболд билән айрим-айрим көрүшиду.

бинали йилдирим моңғулийә миллий һакимийәт академийәсини зийарәт қилғандин башқа, түркийә һәмкарлиқ вә кординатсийә агентлиқи (тика) ниң моңғулийәдики лайиһәлириниң ечилиш мурасимиға қатнишиду.

баш министир бинали йилдиримға, муавин баш министир һакан чавушоғлу, мәдәнийәт вә сайаһәт ишлири министири нуман куртулмуш вә қатнаш министири әһмәт арслан һәмраһ болди.



مۇناسىۋەتلىك خەۋەرلەر