«بەزى دوستلىرىمىز تېررورىزمغا قارشى  كۈرەشتە بىزگە ياردەم بەرمەيۋاتىدۇ»

تۈركىيە ئاۋازى رادىيوسى خەۋىرى: چەلىك، ئادانادا چاقىرىلغان 37 – نۆۋەتلىك «تۈركىيە – ياۋروپا ئىتتىپاقى قوشما مەسلىھەت كېڭىشى» يىغىنىدا قىلغان سۆزىدە، تۈركىيە ئارمىيەسىنىڭ سۈرىيەنىڭ ئافرىن رايونىدا داۋاملاشتۇرۇۋاتقان «زەيتۇن شېخى» ھەربىي ھەرىكىتى جەريانىدا پۇقرالارنى قوغداشقا ناھايىتى زور ئەھمىيەت بېرىۋاتقانلىقىنى تەكىتلەپ مۇنداق دېدى: «تۈركىيە ئارمىيەسى ئافرىن رايونىدا پ ك ك / ك ج ك / پ ي د – ي پ گ ۋە دائېش تېررورچىلىرىنى بىر تەرەپ قىلىش ئۈچۈن داۋاملاشتۇرۇۋاتقان <زەيتۇن شېخى> ھەربىي ھەرىكىتى جەريانىدا بىر تەرەپتىن ھايات – ماماتلىق  كۈرەش قىلماقتا، يەنە بىر تەرەپتىن، پۇقرالارنى قوغداشقا ناھايىتى زور ئەھمىيەت بەرمەكتە. شۇنداقتىمۇ، بەزىلەر پۇقرالارنىڭ ئۆلۈپ كېتىۋاتقانلىقى توغرۇلۇق پىتنە – ئىغۋالارنى تارقاتماقتا، ئەمما بىز بۇ پىتنە – ئىغۋالارنىڭ يالغان ئىكەنلىكىنى ئىسپاتلاپ چىقتۇق.

ئۇ سۆزىنىڭ ئاخىرىدا مۇنداق دەپ كۆرسەتتى: «بىز دائېشقا قارشى كۈرەش قىلغاندا بىزگە ياردەم بەرگەن ۋە ياردەم بېرىدىغانلىقىنى بىلدۈرگەن بەزى دوستلىرىمىز باشقا بىر تېررورلۇق تەشكىلاتى بولغان پ ك ك نىڭ سۈرىيەدىكى گۇماشتىسى پ ي د ۋە ي پ گە قارشى  كۈرەشتە بىزگە ياردەم بەرمەيۋاتىدۇ. شۇنى تەكىتلەش كېرەككى، تېررورلۇق تەشكىلاتلىرى مەسىلىسىدە جىددىي پوزىتسىيە تۇتۇشقا توغرا كېلىدۇ.»