türkiye rehberliri putingha teziye télégrammisi yollidi
jumhur reis erdoghan bilen bash ministir yildirim moskwada yoluchilar ayropilanining chüshüp kétish weqesi munasiwiti bilen rusiye pirézidénti wiladimir putingha we bash ministiri médwédéwgha teziye télégrammisi yollidi.
türkiye awazi radiyosi xewiri: jumhur reislik sariyi menbelirining bildürüshiche, jumhur reis erdoghan rusiye pirézidénti wiladimir putingha teziye télégrammisi yollap, tünügün moskwa domodédowo ayrodurumida yoluchilar ayropilanining qozghalghandin kéyin chüshüp kétishi netijiside 71 kishi hayatidin ayrilghan weqedin tolimu epsuslinidighanliqini bildürgen, hemde échinishliq weqede hayatidin ayrilghanlarning aile tawabiatlirigha sewr – taqet, putingha we uning namidin pütkül rusiye xelqige teziye bildürgen.
bash ministirliq mehkimisining bildürüshiche, bash ministir binali yildirimmu échinishliq weqe munasiwiti bilen rusiye bash ministiri dimitri médwédéwgha teziye télégrammisi yollap mundaq dégen: «échinishliq weqede qaza qilghanlarning yéqin – yoruqlirigha sewr – taqet, namingizdin hökümitingizge we dost rusiye xelqige teziye bildürimen.»
tashqi ishlar ministiri mewlüt chawushoghlumu échinishliq weqe munasiwiti bilen rusiye tashqi ishlar ministiri sérgéy lawrowgha téléfon qilip, teziye bildürgen.
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.
