түркийә армийәси 1266 террорчини бир тәрәп қилди

түркийә армийәси сүрийәниң африн районида давамлаштуруватқан зәйтун шехи һәрбий һәрикитигә алақидар әң йеңи учурларни амма билән ортақлашти.

түркийә армийәси 1266 террорчини бир тәрәп қилди

түркийә авази радийоси хәвири: түркийә армийәси, сүрийәниң африн районидики зәйтун шехи һәрбий һәрикити башлиғандин буйан бир тәрәп қилинған террорчи саниниң 1266 ға йәткәнликини уқтурди.

түркийә армийәсиниң билдүрүшичә, әң йеңи зәрбә бериш һәрикитидә п к к/ к җ к / п й д – й п г вә даеш  әзаси 86 террорчи бир тәрәп қилинди.

түркийә армийәси һавадин зәрбә бериш һәрикити елип берип, террорчиларниң панаһлиниш орунлири, өңкүр, оқ – дора искилати вә истиһкамлири болуп җәмий 18 нишанни битчит қилип ташлиди.

афринда давамлишиватқан һәрбий һәрикәт әснасида бир әскәр шеһит болди.

һәрбий һәрикәткә иштирак қилған айропиланлар сақ – саламәт һалда базилириға қайтип кәлди.



مۇناسىۋەتلىك خەۋەرلەر