qalin mekmastér bilen körüshti
jumhur reislik sariyi muawin bash katipi we bayanatchisi, bash elchi ibrahim qalin, tünügün we bügün istanbulda ziyarette bolghan amérika qoshma ishtatliri dölet xewpsizlik ishliri meslihetchisi léytinant général mekmastér bilen körüshti.
türkiye awazi radiyosi xewiri: jumhur reislik sariyi menbeliridin igilengen uchurgha asaslanghanda, uchrishishta, türkiye bilen amérikining uzun mezgillik istratégiyelik shérikchilik munasiwiti tekitlep ötülgen we ikki döletning aldinqi qatardiki küntertipi we sezgür qaraydighan nuqtiliri muzakire qilinghan. buningdin bashqa, uzundin buyan ittipaqdash bolup kéliwatqan amérika bilen türkiye arisidiki munasiwetler, ortaq istratégiyelik sinaqlar we rayongha alaqidar özgirishler toghrisidimu pikir almashturulghan.
bu dairide yene, ikki terep munasiwetlirige selbiy tesir yetküzidighan mesililerning etrapliq muzakire qilinghanliqi we térrorizmning barliq türlirige qarshi küresh qilishni kücheytish yolliri toghrisida muhakime yürgüzülgenliki qeyt qilindi.
