erdoghan amérikida sot qiliniwatqan reza zerrab délosi heqqide söz qildi
erdoghan: «biz émbargogha xilapliq qilmiduq, biz amérikagha bu jehette wede bergenmu emes, dunya amérikadinla ibaretmu emes, bizning iran bilen hem soda, hem énérgiye munasiwetlirimiz bar» dédi.
türkiye awazi radiyosi xewiri: jumhur reis rejep tayyip erdoghan türkiyening iran bilen bolghan tijarette ébargogha xilapliq qilmighanliqini éytti.
erdoghan adalet we tereqqiyat partiyesi parlamént ezaliri bilen enqerediki partiye merkiziy binasida nashtiliq ziyapitide bir yerge jem boldi.
18 wilayettin kelgen 51 parlamént ezasi bilen ötküzülgen muxbirlargha yépiq nashtiliq ziyapet texminen 3 saet dawamlashti.
bash ministir shundaqla adalet we tereqqiyat partiyesi reisi bash wekili binali yildirimmu qatnashqan yighinda, birleshken döletler teshkilatining irangha qaritilghan émbargo qarari yoq ikenlikige qarimastin, amérika öz aldigha bashlighan atalmish émbargosigha xilapliq qilghan, dégen bahane bilen nazaretke élinghan amérikadiki tégi iranliq özi türkiye puqrasi riza zerrab délosi üstide toxtaldi.
erdoghan: «bu délodin néme chiqishidin qetiynezer, biz türkiye bolush süpitimiz bilen toghra ishni qilduq, émbargogha xilapliq qilmiduq, biz amérikagha bu jehette wede bergenmu emes, dunya amérikadinla ibaretmu emes, bizning iran bilen hem soda, hem énérgiye munasiwetlirimiz bar» dédi.
saadet partiyesi reisi temel qaramollaoghlumu riza zerrab heqqide bayanat élan qildi.
temel qaramollaoghlumu bayanatida, bu déloning türkiyege qarshi yolgha qoyuluwatqan bir pozitsiye ikenlikini éytti.
doghu perinchekning rehberlikidiki weten partiyesining bash katipi utqu reyhanmu amérikadiki riza zerrab délosi heqqide axbarat élan qilish yighini chaqirdi.
bayanatta, weten partiyesining bu mesilide türkiye hökümitining yénida bolidighanliqini jakarlidi.