erdoghan girétsiyeni ziyaret qilghan tunji jumhur reis bolidu

muawin bash ministir hakan chawushoghlu jumhur reis rejep tayyip erdoghanning aridin 65 yil ötkende girétsiyeni ziyaret qilghan tunji türkiye jumhur reisi bolup qalidighanliqini éytti.

853658
erdoghan girétsiyeni ziyaret qilghan tunji jumhur reis bolidu

türkiye awazi radiyosi xewiri: muawin bash ministir hakan chawushoghlu aldimizdiki künlerde jumhur reis rejep tayyip erdoghanning girétsiyeni ziyaret qilidighanliqini bildürdi. u élip bérilidighan bu ziyaretning burunqi ziyaretlerni toluqlash xususiyitige ige bolidighanliqini eskertti. u: «üch konkrét layihe bar. birinchisi, izmirdin selanikqa yoluchi we yük toshuydighan paraxot seperliri layihesi؛ ikkinchisi, istanbuldin selanikqa téz poyiz rélisi yasash layihesi؛ üchinchisi, kipi we ispala tamozhna éghizlirigha köwrük yasash layihesi» dédi.

u türkiye jumhur reisi rejep tayyip erdoghanning girétsiye ziyaritining, ikki dölet otturisidiki munasiwetlerni téximu yaxshi sewiyege yetküzidighanliqini eskertti. u mushu ayning béshida özining kindik qéni tökülgen gümüljineni ziyaret qilghanliqini, bu jeryanda aféna bilen gherbiy trakyaghimu barghanliqini xatiriletti.

hakan chawushoghlu mundaq dédi:

«girétsiye bilen türkiyening qoshniliqini özgertelmeymiz, qoshnidarchiliq munasiwetliri we qanuni daireside her ikki döletning küchiyishige, xelqlerning parawanliqi we turmush sewiyesining ösüshige imkaniyet yaritip béridighan hemkarliqlargha éhtiyajimiz bar.»

u axirida, féwral éyida selanikte yuqiri sewiyelik istratégiyelik hemkarliq yighinining échilidighanliqi toghrisidimu melumat berdi.



مۇناسىۋەتلىك خەۋەرلەر