yildirim amérika kéngesh palata ezasi korkér bilen körüshti

amérika paytexti washingtonda ziyaritini bashlighan binali yildirim jumhuriyetchiler partiyesining muhim kishiliridin biri bolghan kéngesh palata ezasi bob korkér bilen körüshti.

843262
yildirim amérika kéngesh palata ezasi korkér bilen körüshti

türkiye awazi radiyosi xewiri: dölitimiz bash ministiri binali yildirim özi chüshken méhmansarayda amérika kéngesh palata ezasi bob korkér bilen körüshti. körüshüsh bir saettin artuq dawamlashti.

bob korkér kéngesh palatasining tashqi munasiwetler komitétining bashliqi bolup, körüshüshte, tashqi ishlar ministiri mewlüt chawushoghlu, énérgiye we tebiiy bayliqlar ministiri berat elbayrak, türkiyening washingtondiki bash elchisi serdar kilich, bash ministirliq mehkimisining tashqi siyasetler bash meslihetchisi kerim uras we bash ministirliq mehkimisining meslihetchisi éhsan durdular birge boldi.

bob korkér körüshüshtin kéyin, muxbirlarning ziyaritini qobul qildi. u bash ministir binali yildirim bilen körüshkenlikidin memnunluq hés qilghanliqini, körüshüshning intayin semimiy shekilde ötkenlikini bildürdi. u: «ikki dölet otturisidiki bezi keng dairege chétilidighan, nuqtiliq mesililerni muzakire qilduq, hel qilishimiz kérek bolghan nurghun mesililer bar, ikki dölet otturisidiki mesililerning hel bolushigha waqit kétidu. türkiye nahayiti güzel dölet, yéqinqi yillarda nurghun tereqqiyatlarni qolgha keltürdi. türkiyeni nahayiti yaxshi körimen, burun ziyaret qilghan idim. türkiye, bolupmu süriyelik musapirlar üchün nurghun yaxshi ishlarni qildi. türkiye bilen üstige nurghun nersilerni bina qilalaydighan natogha oxshash munasiwetlirimiz bar, biraq hazir oxshimaydighan qarashqa ige mesililirimizmu bar» dédi.   



مۇناسىۋەتلىك خەۋەرلەر