«türkiyening uchqandek tereqqiy qilishining siri mundaq»

bash ministir binali yildirim türkiyening uchqandek tereqqiy qilishining sirining ishench we muqimliq ikenlikini éytti.

840563
«türkiyening uchqandek tereqqiy qilishining siri mundaq»

türkiye awazi radiyosi xewiri: yildirim erzinjan waliy mehkimisi we erzinjan sheherlik hökümet teripidin altinparkta ötküzülgen: «soda dunyasi bilen ammiwi teshkilatlarning wekillirining uchrishishi» namliq yighinda qilghan sözide, türkiyening 2012 – yildin 2017 – yilghiche bolghan 15 yildin buyan uchqandek tereqqiy qilip, qudret tépishi we alemshumul muweppeqiyetlerni qolgha keltürüshining sirining ishench we muqimliq ikenlikini tekitlep mundaq dédi: «bundaq küchlük hökümet hakimiyet béshida bolmisa, héchkimmu kélechikige meblegh salmaydu. dölitimizning 2012 – yildin 2017 – yilghiche bolghan 15 yildin buyan uchqandek tereqqiy qilip, qudret tépishi we alemshumul muweppeqiyetlerni qolgha keltürüshining siri ishench we muqimliqtur. biz shunche köp muweppeqiyetlerni qolgha keltürgen bolsaqmu, yenila buningliq bilen qanaet qilip qalmay, dawamliq algha ilgirileymiz. dölitimizning kelgüsi üch yilliq tereqqiyat pilani mundaq: türkiye ottura halliq jemiyettin téximu yuqiri sewiyelik halliq jemiyetke ötidu. yeni kishi béshigha toghra kélidighan milliy kirimni 13 ming dollardin yuqiri sewiyege yetküzimiz. tereqqiy qilish nisbitini otturiche % 5.5 tin ashurimiz. her yili 1 milyon puqrayimizni ishqa orunlashturimiz.»

yildirim türkiyening 15 yil ichide dölet mudapiyesi sanaiti saheside yerlik hesse qoshush nisbitini % 26 tin % 64 ke yetküzgenlikini tekitlep mundaq dédi: «shunga türkiye qolgha keltürgen alemshumul muweppeqiyetlerni sel chaghlimasliq kérek. dölitimiz  qurulmisi nahayiti murekkep bolghan bir jughrapiyege jaylashqan. shunga bu jughrapiyede öz mewjudiyitimizni saqlap qélish tolimu qiyin. shundaqtimu xelqimiz bu jughrapiyede ezeldin tartipla öz mewjudiyitini qandaq saqlap qélishni nahayiti yaxshi bilidu. jümlidin biz qanchilighan esirlerdin buyan bu jughrapiyede peqet öz mewjudiyitimizni saqlap qélipla qalmay, yene mezlumlarning, zulumgha uchrighuchilarning hamiysi bolup kelduq. süriye we iraqta yurt – makanliridin ayrilip qalghan insanlarni baghrimizgha bastuq. türkiyedin bashqa héchqandaq bir dölet bundaq qilghini yoq. derweqe, bizge layiq bolghinimu ene shu. dölet ichi – sirtida térrorizmgha qarshi küreshni qetiy dawamlashturuwatimiz. xudayim buyrusa, etimiz bügünkidinmu yaxshi, istiqbalimiz hazirqidinmu parlaq bolidu.»



مۇناسىۋەتلىك خەۋەرلەر