әрдоғанниң әзәрбәйҗан зийарити давам қилмақта

дөлитимиз җумһур рәиси рәҗәп таййип әрдоғанниң тарихий төмүр йипәк йолиниң ечилишиға қатнишиш үчүн йетип барған әзәрбәйҗандики зийарити давам қилмақта.

837648
әрдоғанниң әзәрбәйҗан зийарити давам қилмақта

түркийә авази радийоси хәвири: җумһур рәис рәҗәп таййип әрдоған бүгүн (31-өктәбир) әзәрбәйҗан пирезиденти илһам әлийев тәрипидин рәсмий мурасим билән күтүвелинди. икки рәһбәр айрим көрүшкәндин кейин, һәйәтләр ара көрүшүшкә башчилиқ қилиду.

көрүшүштә, икки дөләт мунасивәтлири, районлуқ вә хәлқаралиқ мәсилиләр муһакимә қилиниду. һәйәтләр ара көрүшүштин кейин, әрдоған билән әлийев икки дөләт оттурисида түзүлгән келишимләрниң имза мурасимиға қатнишиду вә ортақ ахбарат елан қилиш йиғини өткүзиду.

җумһур рәис рәҗәп таййип әрдоған шәрипигә берилидиған чүшлүк тамақ зийапитидин кейин, бакудин түркийәгә қарап йолға чиқиду.

бу җәрйанда, җумһур рәис рәҗәп таййип әрдоғанниң рәпиқиси әминә әрдоғанму бакуда «түрк һәмкарлиқ кординатсийә агентлиқи» (TİKA) тәрипидин ремонт қилиниватқан «түркийә дийанәт вәхпи баку түрк толуқ оттура мәктипи» ниң ечилиш мурасимида лента кесиду.



مۇناسىۋەتلىك خەۋەرلەر