«beziler türkiye xelqining mislisiz iradisi aldida téngirqap qéliwatidu»

jumhur reis erdoghan bezi küchlerning türkiye xelqining mislisiz iradisi aldida téngirqap qéliwatqanliqini éytti.

836095
«beziler türkiye xelqining mislisiz iradisi aldida téngirqap qéliwatidu»

türkiye awazi radiyosi xewiri: erdoghan konyada ammiwi xizmetlerni omomiyüzlük ishqa kirishtürüsh murasimida qilghan sözide, mundaq dédi: «beziler türkiye xelqining qaytidin  özining qudretlik küchini hés qilishi, buning qedrige yétishi we mislisiz iradisi aldida téngirqap qéliwatidu. derweqe, türkiye nöwette qudretlik,  uchqandek tereqqiy qiliwatqan we istiqbali parlaq bir dölet. türkiye xelqiningmu qanche milyonlighan qérindashliri bilen birlikte yéngidin quruluwatqan dunyada tégishlik orun élish iradisi qetiydur. türkiyening qaytidin qed kötürüshi, oyghinishi we yüksilishidin biaram boluwatqan bezi küchler térrorluq teshkilatliri bilen qol tutushup, bizge tosalghu bolushqa, bizge özliri ölchep tikip bergen tar könglekni téngip kiygüzüshke urunmaqta. türkiyedin: iraqta, süriyede, somalida, afriqida, balqan we kawkaz rayonlirida néme ishing bar? dep sorighuchilardinmu sorap béqish lazim: undaqta silerning bu yererde néme ishinglar bar?  ularning héchqandaq derdi yoq, emma bizning bar. chünki biz bu jughrapiyening hemmisi bilen nahayiti küchlük tarixiy we insaniy munasiwetlirimiz bar. ashu jaylarda yighlighan her bir balining köz yéshini éytish, béshini silashtek menggü bash tartalmaydighan muqeddes wezipimiz hem buchrimiz bar.»

bash ministir binali yildirimmu bu yerde qilghan sözide, fethullahchi térrorluq teshkilati unsurlirining xainliqliri we buning perde arqisidiki shum niyetlik küchlerning suyiqestlik pilanlirini bitchit qiliwetkenliklirini, fethullahchi térrorluq teshkilatigha qarshi küreshning izchil dawamlishidighanliqini tekitlep mundaq dédi: «ey eziz xelqim! siler xatirjem bolunglar. weten xainliri qilmishlirining bedilini eng éghir shekilde tölewatidu.»



مۇناسىۋەتلىك خەۋەرلەر