«iraq kürt rayonluq hakimiyitining musteqilliq référandumigha qetiy qarshimiz»
tashqi ishlar ministirliqi bayanatchisi elchi hüseyin müftüoghlu türkiyening iraq kürt rayonluq hakimiyitining référandum ötküzüsh qararigha tutqan pozitsiyesining özgermigenlikini bildürdi.
türkiye awazi radiyosi xewiri: türkiye iraq kürt (kord)rayonluq hakimiyitining référandum ötküzüsh qararigha tutqan pozitsiyesining özgermigenlikini bildürdi.
tashqi ishlar ministirliqi bayanatchisi elchi hüseyin müftüoghlu iraq kürt rayonluq hakimiyitining bu yil séntebirde ötküzüshni pilanlighan «musteqilliq référandumi» üstide toghruluq toxtilip «bu ishqa tutqan pozitsiyemiz özgermidi»dédi.
bayanatchi müftüoghlu iraq kürt rayonluq hakimiyiti taratqulirida türkiyening référandum mesilisige tutqan pozitiyesini burmilaydighan asassiz we yalghan xewerlerning tarqalghanliqi toghruluq soallargha jawab berdi.
iraq kürt rayonluq hakimiyitidiki bir qisim tor béketliride tashqi ishlar ministiri mewlüt chawushoghluning «melum shertler orundalghan teqdirde türkiyening iraq kürt rayonluq hakimiyitining musteqilliqini qobul qilidighanliqini»dégenliki toghruluq «asassiz we yalghan»qarashlargha orun ajritilghanliqini bildürgen müftüoghlu munularni bayan qildi: «iraqning zémin pütünlüki we siyasiy birlikini qoghdash tashqi siyasitimizning muhim pirinspiliridin biri ikenlikini we iraq kürt rayonluq hakimiyitining musteqilliq référandumi ötküzüsh qararigha qarshi ikenlikimizni her waqit we her yerde qetiy bildürüp kelduq, bu mesilige tutqan pozitsiyemizde qilchimu özgirish bolghini yoq.»
