mudapie ministiri ishiq: F-16 larning ornigha yerlik urush ayropilanlirimiz seplinidu

türkiye awazi radiyosi xewiri: dölet mudapie ministiri fikri ishiq, konya üchinchi asasiy hawa armiye bazisi qomandanliqidiki eskerler bilen birlikte iptar qildi. iptar esnasida türkiye mudapie sanaiti sahesidiki özgirishler toghrisida toxtalghan ishiq, «téxi tünügüngiche pütkül eslihelirimizni sirttin alattuq, nöwette eslihelerning %65 ni yerlik imkaniyetlerge tayinip ishlepchiqarmaqtimiz» dédi.

ishiq, türkiyening nishanining 2019 – yilining axirighiche %85 din artuq herbiy eslihening yerlik imkaniyetlerge tayinip ishlepchiqirilishini emelge ashurush ikenlikini qeyt qilghan halda, türkiyening aldimizdiki mezgilde yétishni pilanlighan ikki chong nishanining barliqini bildürdi we sözini dawamlashturup, «nishanlirimizning biri, urush ayropilani ishlepchiqirish. nöwette layihe nahayiti yaxshi ilgirilewatidu. inshaallah, 2023 – yili tunji sinaq uchushni emeliyshtürgen bolimiz, 2030 – yiligha barmay turup, F-16 larning ornida özimizning milliy urush ayropilanlirimizni uchurushni bashlaymiz» dégenlerni qeyt qildi.