türkiyening siyurixtiki konsulxanisi buzghunchiliqqa uchridi

türkiyening shiwéytsariyening syurix shehiridiki konsulxana binasi 100 ge yéqin ademning buzghunchiliq qilishigha uchridi.

723934
türkiyening siyurixtiki konsulxanisi buzghunchiliqqa uchridi

türkiye awazi radiyosi xewiri: yüzlirige maska taqiwalghan kimliki namelum bir türküm kishiler 1–may emgekchiler bayrimidin paydilinip, türkiyening siyurixtiki konsulxana binasigha boyaq qutilirini étip ziyan yetküzdi. étilghan boyaqlarning rengliri hujumchilarning PKK térrorluq teshkilati terepdarliri bolush éhtimalli barliqigha dair qarashlarni kücheytti.

hemmisi oxshash maska taqiwalghan hujumchilar, jumhur reis rejep tayyip erdoghangha qarshi yéqin etraptiki aptobus békiti we uduldiki binaning témigha renglik boyaq bilen ingliz tilida «erdoghanni öltürünglar» dep yézip qoydi. bina zapas qisimlar kélip bolghuche mudapiesiz qaldi.

1–may xelqara emgekchiler bayrimi sewebidin binada amanliq saqlighuchilardin bashqa héchkim yoq idi. bash konsul asiye nurjan ipekchi anadolu agéntliqi muxbirigha bayanat bérip: «weqedin kéyinla saqchilar yétip keldi, hazir kéreklik tekshürüshlerni élip barmaqtimiz» dédi.

saqchilarning tégishlik tedbirlerni yolgha qoyup, özliri bilen hemkarlishiwatqanliqini tekitligen ipekchi, «hazir ehwal turaqliq. ensirigidek ish yoq» dégenlerni qeyt qildi.



مۇناسىۋەتلىك خەۋەرلەر