erdoghan uniwérstét oqughuchilirining soallirigha jawab berdi

türkiye awazi radiyosi xewiri: jumhur reis reis rejep tayyip erdoghan istanbuldiki sehiye bilimliri uniwérstétida ikki xususiy téléwiziye qanili ortaq tarqatqan «yashlar bilen uchrishish» pirogrammisigha qatniship, oqughuchilarning soallirigha jawab berdi. u gollandiye bilen gérmaniyening u yerlerde yashawatqan türkler bilen uchrashmaqchi bolghan türkiye ministirlirigha, irqiy ayriichiliq qilip, natsistlarche muamile qilghanliqini؛ buning addiy weqeler emeslikini, gérmaniyening bu muamilisi bilen u yerde yashawatqan 3 milyon türkiye puqrasigha hörmetsizlik qilghanliqini tekitlidi.

u sözide yene, gérmaniyening minglarche térroristni qanat astigha éliwatqanliqini eskertti. u térroristlargha munasiwetlik 4 ming 500 din artuq höjjet tapshurulghan bolsimu, gérmaniyening térroristlar toghrisida héchqandaq kéreklik qedemlerni tashlimighanliqini eskertti. u istanbulda turuwatqan gérmaniyeliklerning binada bir jasus térroristni bir ay yoshurup saqlighanliqini, axirida térroristning tutulghanliqini bildürdi.

u yawropa ittipaqining türkiyege nisbeten qosh ölchem qolliniwatqanliqini, 16-apréldiki référandumdin kéyin, yawropa ittipaqi bilen munasiwetlerni qaytidin közdin kechüridighanliqlirini éytti. u: «ular 16-apréldin kéyin, oylap baqmighan ishlargha duch kélishi mumkin» dédi.

u référandum arqiliq ornitilmaqchi bolghan tüzüm toghrisidiki «hoquq bir kishining qoligha merkezlishidu» dégen tenqidliri üstide toxtaldi. u yéngi tüzümde, qanun chiqirish, ijra qilish we edliyening ayriwétilidighanliqini, ijra qilish hoquqining bir merkezde bolidighanliqini bildürdi. u hazirqi mewjut tüzümning «qosh bash» liq ikenlikini tarixtin misal keltürüp chüshendürdi we yéngi tüzümde jumhur reis bilen bash ministirdin ibaret ikki rehber bolushning yoqilidighanliqini, ijra ishlirining téximu téz we tertiplik bolidighanliqini qeyt qildi.