қуртулмуш: қайил болушуңлар үчүн 250 миң адәм шеһит болуши керәкму?

түркийә авази радийоси хәвири: муавин баш министир нуман қуртулмуш «т р т хәбәр» қанилиниң зийаритини қобул қилди вә фәтһуллаһчи террорлуқ тәшкилати каттибеши фәтһуллаһ гүләнниң қайтурулуши тоғрисида америкиға өз тәләплирини йәткүзгәнликлирини билдүрди. у: «фәтһуллаһ гүләнниң канадаға йаки җәнубий африқиға қечип кетиши тоғрисида ахбарат бар» деди.

нуман қуртулмуш германийә истихбарат идариси (BND) ниң «һәрбий өзгиришкә урунуш һәрикитиниң арқисида фәтһуллаһчи террорлуқ тәшкилатиниң барлиқиға қайил болмидуқ» дегән сөзлиригә наразилиқ билдүрди. у: «силәрниң қайил болушуңлар үчүн 250 адәмниң шеһит болуши йәтмәй, 250 миң адәм шеһит болуши керәкму?» деди.

у сүрийә киризисидә һәр күни охшимиған йеңи муһим мәсилиләрниң пәйда болуватқанлиқи әскәртип, мундақ деди:

«сүрийәниң шималида террорлуқ дөлитиниң шәкиллинишиниң алди елиниши керәк. фират қалқини һәрбий һәрикитиниң биринчи муһим мәқситиму сүрийәниң земин пүтүнлүкини қоғдаш иди. иккинчиси, түркийәгә у йәрдин келидиған тәһдитләрни азайтиш. үчинчиси, районни бихәтәр һалға игә қилип, район хәлқиниң йурт-маканлириға қайтишини капаләткә игә қилиш. сүрийәдә һәм уруш мәйданида һәмдә үстәлдә болушимиз керәк» деди.

у зөрүр тепилғанда, районда йеңи һәрбий һәрикәтниң башлиниш мумкинликиниму әскәртти.

муавин баш министир нуман қуртулмуш кәркүктики байрақ киризиси тоғрисида билдүрүлгән наразилиқларниң әң қаттиқ шәкилдә йәткүзүлгәнликини қәйт қилди.