«نورمال يولۇچىلارنى جازالاندۇرۇشنىڭ ئورنىغا مۇنداق قىلىش كېرەك...»

تۈركىيە ئاۋازى رادىيوسى خەۋىرى: تاشقى ئىشلار مىنىستىرلىقى باياناتچىسى ھۈسەيىن مۈفتۈئوغلۇ ئاخبارات ئېلان قىلىش يىغىنىدا مۇخبىرلارنىڭ سوئاللىرىغا جاۋاب بەرگەندە، ۋاقىتلىق تەدبىرلەرنى ئېلىشنىڭ ئورنىغا بىرلىكتە ئۇزاق مەزگىللىك ۋە ئۈنۈمى تېخىمۇ ياخشى تەدبىرلەرنى ئېلىشنىڭ زۆرۈرلۈكىنى تەكىتلەپ مۇنداق دېدى: «نورمال يولۇچىلارنى جازالاندۇرۇشنىڭ ئورنىغا تەھدىت شەكىللەندۈرىدىغان كىشىلەرگە قارىتا مۇھىم تەدبىرلەرنى ئالغىنىمىزدا ئۈنۈمى تېخىمۇ ياخشى بولىدۇ. دۇنيا بويىچە ئەڭ بىخەتەر ئايرودۇرۇملاردىن بىرى بولغان ئاتاتۈرك ئايرودۇرۇمى ۋە تۈركىيە ھاۋا يوللىرى شىركىتىنىڭ بۇ چەكلىمە دائىرىسىدىن چىقىرىۋېتىلىشى ئۈچۈن ھەم ئامېرىكا ھەم ئەنگلىيە دائىرىلىرى بىلەن داۋاملىق تىرىشچانلىق كۆرسىتىۋاتىمىز.»