asasiy qanungha özgertish teklipi testiqlandi

dölitimiz jumhur reisi rejep tayyip erdoghan asasiy qanungha özgertish kirgüzüsh teklipini testiqlap, bash ministirliq mehkimisige ewetti.

669892
asasiy qanungha özgertish teklipi testiqlandi

türkiye awazi radiyosi xewiri: jumhur reislik külliyesi axbarat merkiziy élan qilghan bayanatta, jumhur reis rejep tayyip erdoghanning «türkiye jumhuriyiti asasiy qanunigha özgertish kirgüzüshke munasiwetlik qanun teklipi» ni xelqning awazigha qoyush meqsitide jakarlinishi üchün, bash ministirliq mehkimisige ewetkenliki bildürüldi.

muawin bash ministir numan qurtulmush türkiye xelqining 16-aprélda asasiy qanun üchün bélet tashlash mumkinlikini éytti. u afyonda élan qilghan bayanatida:

«hörmetlik jumhur reisimiz asasiy qanungha özgertish kirgüzüsh teklipini testiqlidi. emdiki nöwet aliy saylam komitétida. aliy saylam komitéti pat arida 16-aprélni muwapiq dep qarisa, 60 kün ichide xelqning bélet tashlishigha munasiwetlik qararni élan qilidu» dédi.

qanun teklipi xelqning bélet tashlishida yuqiri awazgha érishken ehwalda, parlamént ezasi 550 din 600 ge chiqirilidu, parlamnét ezaliqigha saylinish yéshi 25 tin 18 ge chüshürülidu. jumhur reislik saylimi we parlamént saylimi besh yilda bir qétim ötküzülidu. jumhur reisning partiyesi bilen bolghan munasiwiti bikar qilinmaydu.



مۇناسىۋەتلىك خەۋەرلەر