«gherb medeniyiti özining mislisiz alahidilikini jari qilduralmidi»
jumhur reis erdoghan gherb medeniyitining shunche köp artuqchiliqlargha ige bolushigha qarimay insaniyetni bext – saadetke ige qilish alahidilikini jari qilduralmighanliqini éytti.
türkiye awazi radiyosi xewiri: erdoghan beshtepe sariyida millet medeniyet we yighin zalida ötküzülgen sheherchilik yghinida qilghan sözide, «sheher bilen insan otturisidiki munasiwetlerde insan muhim ishlar küntertipige kirgüzülmigen teqdirde biz yashawatqan muhit meniwi terepliri bilen birlikte üstimizge gümürülüp chüshüshke bashlaydu» dédi.
muhitqa munasiwetlik qiyinchiliqlarning peqet türkiyegila xas emeslikini, dunyadiki köpligen xelqlerning oxshash qiyinchiliqlargha duch kéliwatqanliqini tekitligen erdoghan, «nopusning yéza – qishlaqlargha we sheherlerge tarqilish tengpungluqi nahayti téz buzulmaqta. dölitimizge nezer tashlaydighan bolsaq, 1950 – yillarda nopusining % 25 tiningla sheherlerde yashaydighanliqini, emma bügünki künge kelgende bu nisbetning % 90 tin éship ketkenlikini körimiz» dédi.
gherbte bir xilla binakarliq qurulush éngining omumlashqanliqini, shunga oxshash shekildiki binalardin minglarche qurulushning közge chéliqidighanliqini eskertken erdoghan, «gherbning binakarliq éngi ene shundaqtur, shunga sistémiliq bolsimu, emma xaraktéri bolmighan bundaq sheherlishish bizge munasip emes» dédi.
jumhur reis erdoghan sherqiy afriqa ziyariti toghruluq toxtalghanda, «aldimizdiki mezgilde bir tereptin fethullahchi térrorluq teshkilati unsurlirining shu yerlerdiki weyranchiliqlirining ornini toldursaq, yene bir tereptin, yéngi we intayin saghlam layihelerge asasen birlikte qedem tashlaymiz. ular bizge <biz fethullahchi térrorluq teshkilati unsurlirining bunchilik wehshiylikini bilmeyttuq> dégenidi. höjjetler we delil – ispatlarni aldigha qoyghandin kéyin, <bu heqte heriketke ötimiz> déyishke bashlidi» dédi.
bash ministir binali yildirimmu peskesh bölgünchi térrorluq teshkilati p k k ning ora kolash siyasiti bilen weyran qilghan sherqiy jenubiy anadoludiki olturaq rayonliridiki 35 ming öy qurulushining bashlanghanliqini we qurulush ishlirining chaqmaq tézlikide dawamlishiwatqanliqini tekitlep mundaq dédi: «bir yil ichide burunqigha qarighanda nechche hesse artuq, güzel we barliq seremjanliri toluq bu binalarning qurulushini tamamlap, gherbiy jenubiy anadoludiki xelqimizning xizmitige sunimiz» dédi.
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.
