زاپ رايونىدىكى پ ك ك ئۇۋىلىرى بىتچىت قىلىندى

تۈركىيە ئاۋازى رادىيوسى خەۋىرى: تۈركىيە ئارمىيەسى ئىراقنىڭ شىمالىدىكى زاپ رايونىغا قىلغان ھاۋا ھۇجۇمى قىلىپ، تېررورلۇق تەشكىلاتى پ ك ك نىڭ پاناھلىنىش جايلىرى ۋە مۇھىم نۇقتىلىرىنى بىتچىت قىلدى.

تۈركىيە ئارمىيە تەرەپتىن ئېلان قىلىنغان بۇ ھەقتىكى مەلۇماتلارغا ئاساسلانغاندا، تۈنۈگۈن (22-نويابىر) چۈشتىن كېيىن سائەت 16:57 دىن 17:24 ئۆتكىچە بولغان ئارىلىقتا، ئېلىنغان ئۇچۇرلار ئانالىز قىلىنغاندىن كېيىن، زاپ رايونىغا ھاۋا ھەرىكىتى ئېلىپ بېرىلغان بولۇپ، پ ك ك تېررورلۇق تەشكىلاتىنىڭ پاناھلىنىش جايلىرىنى ئۆز ئىچىگە ئالغان تۆت نۇقتا بىتچىت قىلىنغان.

ۋەزىپىسىنى مۇۋەپپەقىيەتلىك تاماملىغان ئۇرۇش ئايروپىلانلىرى بازىغا بىخەتەر قايتىپ كەلگەن.