түркийә шаңхәй һәмкарлиқ тәшкилатидин вәзипә тапшурувалди

түркийә шаңхәй һәмкарлиқ тәшкилати енергийә кулубидики әза дөләтләрниң аваз бирлики билән, енергийә кулубиниң 2017-йиллиқ нөвәтчи рәиси болғанлиқи билдүрүлди.

616503
түркийә шаңхәй һәмкарлиқ тәшкилатидин вәзипә тапшурувалди

түркийә авази радийоси хәвири: түркийәниң шаңхәй һәмкарлиқ тәшкилати енергийә кулубиниң нөвәтчи рәислик вәзиписини өткүзүвелиши аваз бирлики билән қолға кәлди. бүгүнгичә шаңхәй һәмкарлиқ тәшкилатиниң енергийә кулубида пәқәт әза дөләтләрла нөвәтчи рәис болуп кәлгән иди. бу тунҗи қетим шаңхәй һәмкарлиқ тәшкилатиға әза болмиған бир дөләтниң, енергийә кулубиниң нөвәтчи рәиси болуп сайлиниши һесаблиниду. кулубта тәшкилатқа әза болмиған башқа һәмраһ дөләтләрму бар.

хитай, қазақистан, қирғизистан, таҗикистан, иран, русийә, афғанистан, һиндистан, моңғулийә, пакистан, беларусийә вә сири ланка қатарлиқ дөләтләр әза болған енергийә кулуби, 2013-йилидин буйан паалийәт қилип кәлмәктә. енергийә кулубиға әза болған дөләтләр дунйа електир ишләпчиқириш нисбитиниң %36 ни, тәбиий газ ишләпчиқириш нисбитиниң %23 ни, нефит ишләпчиқириш нисбитиниң %20.8 ни, көмүр ишләпчиқириш нисбитиниң %60.25 ни игиләйду.



مۇناسىۋەتلىك خەۋەرلەر