«erdoghan izilgüchilerning sadasi» belgilik uchur twittérni lerzige keltürdi

erdoghan sözide, «ölüm we zulumdin qachqan panahlanghuchilar yawropa sheherliride kemsitishke uchrimaqta. bu insaniyetning sheripi we wijdanini zide qilidighan nomus qilarliq bir ehwal» dégen idi.

574230
«erdoghan izilgüchilerning sadasi» belgilik uchur twittérni lerzige keltürdi

türkiye awazi radiyosi xewiri: jumhur reis rejep tayyip erdoghanning amérikining niyu york shehiride ötküzülgen 71 – nöwetlik birleshken döletler teshkilati omumi kéngishide  qilghan sözliri ijtimaiy tartqularda zor inkas qozghidi.

twittérda «#ErdoganVoiceofTheOppressed» «erdoghan izilgüchilerning sadasi» belgilik uchur, qisqighine waqit ichide minglighan qisqa inkaslargha érishti we hembrehirlishishte eng aldinqi qatargha ötti.

jumhur reis rejep tayyip erdoghan birleshken döletler teshkilati omumuiy kéngishide muhim sözlerni qilghan bolup, u iraq we süriyede san - sanaqsiz insanlarning izchil türde ölüwatqanliqini esletken we yurtlirini tashlap chiqip kétishke mejbur bolghan panahlanghuchilarning yawropada kemsitish xaraktérlik pozistiyelerge duchar boluwatqanliqini bildürgen idi.

erdoghan sözide, «térrorluqning we urushning penjiside nale qiliwatqan nurghunlighan döletlerde minglighan kichik balilar, ayallar, yashlar we yashanghanlar  üzlüksiz türde öltürülmekte.  ölüm we zulumdin qachqan panahlanghuchilar yawropa sheherliride kemsitishke uchrimaqta. dunyadiki nurghunlighan döletlerde insanlar acharchiliq, yuqumluq késellikler, namratliq we jahaletke gherq bolmaqta. bu insaniyetning sheripi we wijdanini zide qilidighan nomus qilarliq ehwal. téximu échinishliq teripi bu kirizisler we mesililerning eslide shundaq asan hel qilghili bolidighan mahiyette ikenlikidur. kelgüsi ewladlarning xatirjemliki, bayashatliqi we bixeterliki asasen dégüdek bügün biz tashlaydighan qedemlerge shundaqla alidighan tebirlerge baghliqtur» dégen idi. 

jumhur reis rejep tayyip erdoghanning bu bayanati ijtimaiy taratqularda zor qiziqish bilen teqip qilindi. ijtimaiy taratqularda qisghine waqit ichide minglighan qisqa uchurlar yéghishqa bashlidi.

«#ErdoganVoiceofTheOppressed» «erdoghan izilgüchilerning sadasi» belgilik uchur qisqighine waqit ichide twittérda eng köp munazire qilinghan we eng köp hemberhirlishilgen uchurgha aylandi.



مۇناسىۋەتلىك خەۋەرلەر