bash ministir: daésh bilen y p g ning tehditi türkiye armiyesini süriyege kirishke mejbur qildi
bash ministir binali yildirim daésh we y p g ning térror tehditining türkiye armiyesini rayongha kirishke mejbur qilghanliqini éytti.
türkiye awazi radiyosi xewiri: yildirim xususiy bir téléwiziye qanilining ziyaritini qobul qilghanda bergen bayanatida, türkiyening chégra rayonida qandaqtur bir kord karidorining otturigha chiqishigha esla yol qoymaydighanliqini, bölgünchi térrorluq teshkilati p k k ning süriyediki quyruqchisi p y d unsurlirining firat deryasining sherqiy qismigha chékinishtin bashqa tallash yoli yoqluqini tekitlep mundaq dédi: «süriyediki her bir étnik guruppa bir dölet qurimen dése, süriyening weziyiti téximu yamanliship kétidu. barliq étnik guruppilar inaq we tinch bille yashiyalaydighan yéngi süriye berpa qilish mesiliside türkiye amérika, rusiye we iran bilen oxshash tonushqa ige. süriyening mewjut lidérining yéngi süriyede orni yoq. chünki u uzun yillar mabeynide toplighan qoral – yaraghlirini öz xelqige tenglidi.»
