dunyaning diqqiti merkezlishiwatqan tarixiy aliy herbiy kéngesh yighini qararliri élan qilindi
munasiwetlik tereplerning alahide qiziqishini qozghawatqan tarixiy aliy herbiy kéngesh yighini qararliri jumhur reis erdoghanning maqulluqidin ötkendin kéyin jamaetchilikke élan qilindi.
türkiye awazi radiyosi xewiri: jumhur reislik sariyi bayanatchisi ibrahim qalin, bügün bash ministirliq mehkimiside chaqirilghan aliy herbiy kéngesh yighinida chiqirilghandin kéyin jumhur reis rejep tayyip erdoghan teripidin maqullanghan qararlarni élan qildi.
qarargha asasen, bash qomandanliq ishtabi bashliqi général – polkownik hulusi akar wezipisini dawamlashturidu. bash qomandanliq ishtabi ikkinchi bashliqliqigha birinchi ordu qomandani général – polkownik ümid dündar teyinlendi.
mewjut bash qomandanliq ishtabi ikkinchi bashliqi général – polkownik yashar güler bolsa, qoralliq saqchi qisim bash qomandani boldi.
déngiz armiye qomandani adméral bülent bostanoghlu, quruqluq armiye qomandani général – polkownik salih zeki cholak bilen hawa armiye qomandani général – polkownik abidin ünal burunqi wezipilirini dawamlashturidu.
