türkiye, shéhit we yaridar aililirige hemdem bolush seperwerlik paaliyiti bashlidi

türkiye jumhuriyiti bash ministirliq mehkimisi, 15- iyuldiki xainlarche hujumda shéhit bolghan we yarilanghanlar bilen hemkarliq ornitish seperwerlik paaliyiti orunlashturudi.

536969
türkiye, shéhit we yaridar aililirige hemdem bolush seperwerlik paaliyiti bashlidi

türkiye awazi radiyosi xewiri: bash ministirliq mehkimisi, fethullahchi térrorluq teshkilatining herbiy - siyasiy özgirish qozghashqa urunush herikiti jeryanida shéhit bolghan kishilerning aile – tawabiatliri bilen ‹hemkarlishish seperwerlik› paaliyiti yolgha qoydi.

bash ministirliq mehkimisining bu mesilige munasiwetlik uqturushi resmiy gézitte élan qilindi؛ bash ministir binali yildirimning imzasi bilen élan qilinghan uqturushta, asasiy qanunluq tüzümni aghdurup tashlashqa orunush herikitining jumhur reis rejep tayyip erdoghanning yiraqni körerliki, hökümetning qetiy pozitsiyesi we éziz milletning döliti we démokratik iradisige ige chiqishi sayisida ‹bir terep qilinghan› liqi eskertildi.

uqturushta, «mezkur xainlarche qoralliq herbiy - siyasiy özgirish qozghashqa urunush herikitide shéhit bolghan puqralirimizning aililirining qayghulirini yenggillitish we yaridarlirimizning azablirigha ortaq bolush meqsitide hökümitimiz shéhit we ghazilargha bérilgen heq – hoquqlarni ularghimu berdi we barliq imkaniyetlirini seperwerlikke keltürdi» déyildi.

bash ministirliq mehkimisining seperwerlik paaliyiti dairiside yéza igilik bankisi, wakif bankisi we xelq bankisida hésawat échildi. bulardin bashqa yardem qilishni xalaydighanlar türksel, wodafon we türk télékomgha oxshash simsiz alaqilishish apparatlirining 1507 qisqa uchur nomurigha «15 Temmuz» dep yézip yollash arqiliq 5 türkiye lirasi iane qilalaydu.



مۇناسىۋەتلىك خەۋەرلەر