qizilay meydani uyghurlar bilen téximu janlandi

türkyede yashawatqan uyghurlar türkye hökümitining démokratiye nöwitige awaz qoshup, 15– iyul herbiy özgirish isyanigha qarshi qetiy meydanini namayan qilmaqta.

537053
qizilay meydani uyghurlar bilen téximu janlandi

türkiye awazi radiyosi xewiri: türkiyede yashawatqan uyghurlar 15 – iyul kéchisi jumhur reis rejep tayyip erdoghanning herbiy – siyasiy özgirishke qarshi meydanlarni toldurush chaqiriqigha aktip awaz qoshti. ular özliri yashawatqan sheherlerdiki meydanlarda, türk xelqi bilen birlikte kéchini kündüzge ulap, démokratiye nöwitini dawamlashturup, türk – xelqining qayghu – hesritini teng ortaqlashti.

enqere xelqi 24 – iyul kéchisimu «démokratiye nöwiti» dawamlishiwatqan qizilay meydanigha qarap sel bolup aqti. meydanni liq toldurghan kishiler, qolliridiki bayraqlar bilen démokratiye bayrimi qildi. yérim kéchidin ashqan bolsimu meydandin ayrilmighan kishiler, chong pidakarliq ülgisini namayan qildi. enqerediki uyghurlar bu ülgining bir parchisi idi. kichik qehriman mujahit qeshqerli kéche saet 11 din 45 minut ötkende, parlamént ezaliri bilen birlikte qizilay meydanidiki sehnige chiqti. u memet akif ersoyning, «herbiy özgirishlerge tükürünglar, rezillkni alqishlighanlargha tükürünglar, ehli selipning hayasiz yüzige tükürünglar, ularning ishengili bolmaydighan sözlirige tükürunglar» dégen shéirini oqup, uyghurlarning türk xelqi bilen bir septe ikenlikini namayan qildi.

mujahit qeshqerli shéir oquwatqanda, qizilaydiki meydanida démokratiye nöwitide turuwatqan pütkül xelq qaytidin jushqun keypiyatqa chömdi.



مۇناسىۋەتلىك خەۋەرلەر