türkiye xelqining pütkül jahanni zilzilige salghan igilmes - sunmas qetiy iradisi

türkiye xelqi herqaysi wilayetlerde kochilargha we meydanlargha chiqip, fethullahchi térrorluq teshkilati unsurlirining 15 – iyul herbiy isyanigha qarshi chiqip, wtenni qoghdash yolidiki jenggiwarliqi we igilmes - sunmas qetiy iradisini namayen qilmaqta.

532387
türkiye xelqining pütkül jahanni zilzilige salghan igilmes - sunmas qetiy iradisi

türkiye awazi radiyosi xewiri: fethullahchi térrorluq teshkilati unsurlirining herbiy isyan kötürüshke urunushidin kéyin jumhur reis rejep tayyip erdoghan xelqqe xitab qilip mundaq chaqiriqta boldi: «eziz xelqimge shundaq chaqiriqta bolimenki, meydanlargha yighilinglar, wetinimizge xiris qilghan bu bir uchum unsurlargha tégishlik jawab qayturup, heddini bildürüp qoyayli. bu herbiy isyanning ghelibe qilishigha qetiy ishenmeymen. chünki tarixtin buyan herbiy - siyasiy özgirish qozghashqa teshebbus qilghuchilar meqsitige yételmidi.» arqidinla türkiye xelqi ötken jüme künidin bashlap, jumhur reis rejep tayyip erdoghanning bu chaqiriqigha qizghin awaz qoshup, qéri – yash, chong – kichik we er – ayal démestin meydanlargha we kochilargha seldek éqip, türkiye bayriqini lipildetken, zorawanlarning yürikini mujuydighan shoarlarni towlighan we wetenge bolghan mislisiz söygü ipadiliri izhar qilinghan lozunkilarni kötürgen halda, démokratiye we milliy iradige bolghan sadaqitini bildürüp, kéche – kündüz herbiy isyan qozghashqa tesebbush qilghuchi unsurlargha ghezep – nepret yaghdurup, pütkül jahanni zilzilige keltürmekte, hemde igilmes - sunmas iradisi we wetenni qoghdashqa bolghan jenggiwarliqi bilen xelqara jemiyetni hang - tang qaldurmaqta. enqerediki qiizilay meydani, istanbuldiki taksim meydani, jumhur reis erdoghanning turalghusi jaylashqan üsküdarning qisiqli rayonigha yighilip, adem déngizi hasil qilghan halda démokratiye we wetenge bolghan cheksiz sadaqitini izhal qilmaqta. türkiye xelqining: «herbiy isyanchilargha qarshi axirqi tiniqimizghiche küresh qilimiz», «jumhur reis erdoghan zorawanlargha tiz pükmeng, xelqimiz hemishe siz bilen bille», «xelq rehbiri rejep tayyip erdoghan» we «herbiy - siyasiy özgirish qozghash teshebbusigha qarshi jénimiz pida» dégen sadaliri pelekke yetmekte.



مۇناسىۋەتلىك خەۋەرلەر