دىيارباكىردا بىر ئەسكەر شېھىت بولۇپ كەتتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى باش قوماندانلىق ئىشتابى بايانات بېرىپ، PKK تېررورلۇق تەشكىلاتى ئەزاسى تېررورچىلارنىڭ قوراللىق ھۇجۇمىدا ئېغىر يارىلانغان بىر ئەسكەرنىڭ دوختۇرلارنىڭ پۈتكۈل تىرىشچانلىقلىرى ئۈنۈم بەرمەي شېھىت بولۇپ كەتكەنلىكىنى ئۇقتۇردى.

خەۋپسىزلىك كۈچلىرىنىڭ دۆلەت مىقياسىدىكى تېررورلۇق ھەرىكەتلىرىگە زەربە بېرىش ھەرىكەتلىرى ئۆزلۈكسىز داۋام قىلماقتا؛ ئىستانبۇل ساقچى ئىدارىسى خادىملىرى بۈگۈن سەھەردە 4 ناھىيەدە تېررورلۇققا زەربە بېرىش ھەرىكىتى ئېلىپ بېرىپ، 4 كىشىنى نازارەت ئاستىغا ئالدى.