ehmet dawutoghlu enqerede fédérika mughrini bilen körüshti

türkiye awazi radiyosi xewiri: bash ministir ehmet dawutoghlu enqerede ziyarette boluwatqan yawropa ittipaqi tashqi munasiwet we xewpsizlik siyasiti aliy wekili shundaqla yawropa komitéti muawin reisi fédérika mughrini bilen körüshti.
uchrishish chankaya sariyida axbaratchilargha yépiq shekilde ötküzülgen bolup, texminen 1 saet 45 ménut dawamlashti.
bash ministirlik alaqidar mesulliridin igilengen melumatlargha köre, ehmet dawutoghluning mughrini bilen ötküzgen uchrishishida köchmenler kirizisi we türkiye bilen yawropa ittipaqi otturisida dawamlishiwatqan hemkarliq basquchliri muzakire qilinghan.
uchrishishta yene süriye weziyiti, rusiyening rayondiki mewjutluqi we rayon xaraktérlik bashqa mesililermu küntertipke kelgen.
bash ministir ehmet dawutoghlu, jenwede bashlinishi mölcherliniwatqan süriye muzakirilirida heqiqiy süriye öktichilirining muzakire üstilige kélishi üchün türkiyening her türlük töhpilerni qoshushni xuddi bügünge qeder dawamlashturghandekla dawamlashturidighanliqini bildürüp, y p g ning térrorluq teshkilati p k k ning gumashtisi ikenlikini tekitligen.