уруш тохтитишни ишқа ашуруш үчүн хизмәт ишләватимиз

дөлитимиз дипломатийә министири әһмәт давутоғлу ғәззәдә уруш тохтитишни ишқа ашуруш үчүн кечини күндүзгә улап хизмәт ишләватқанлиқлирини ейтти

69573
уруш тохтитишни ишқа ашуруш үчүн хизмәт ишләватимиз

түркийә авази радийоси хәвири: дөлитимиз дипломатийә министири әһмәт давутоғлу ғәззәдә уруш тохтитишни ишқа ашуруш үчүн кечини күндүзгә улап хизмәт ишләватқанлиқлирини ейтти.
давутоғлу, 30 - нөвәтлик йавропа иттипақи ислаһат көзитиш гурупписи йиғини үчүн түнүгүн әрзурумда иди.
мухбирларниң исраилийәниң ғәззәгә қаратқан һуҗумлириға мунасивәтлик соаллириға җаваб бәргән давутоғлу, районда уруш тохтитишни ишқа ашуруш үчүн наһайити зор тиришчанлиқ көрситиватқанлиқлирини тәкитлиди.
давутоғлу, «худайим буйриса әң қисқа вақит ичидә ғәззәдики балилар билән айалларни әркин нәпәс алдуридиған уруш тохтитишни ишқа ашуралишимиз мумкин» деди.
йавропа иттипақи дөләтлириниң инкаслириниң наһайити төвән сәвийәдә икәнликини әскәрткән давутоғлу, «һечким көңлигә алмисун, түркийә бу инсаний тирагедийәгә әң йуқири авазда наразилиқ билдүрүшни давамлаштуриду, әң паал шәкилдә тиришчанлиқ көрситиду, әң қисқа вақит ичидә уруш тохтитишниң ишқа ашурулуши үчүн дипломатик паалийәтлиримизни йәниму қойуқлаштимиз» деди.


خەتكۈچ:

مۇناسىۋەتلىك خەۋەرلەر