ишләр: түркийә авазини көтүргән бирдинбир дөләт

«исраилийә ғәззәни бомбардиман қилмақта, хәлқара җәмийәт сүкүт қилишни давамлаштурмақта, бирдинбир авазини көтүргән дөләт түркийә болмақта.»
муавин баш министир әмруллаһ ишләр, исраилийәниң ғәззәдики инсанлиқ җинайитигә йатидиған һуҗумлири тоғрисида муһим сөзләрни қилди. ишләр, исраилийәниң ғәззәдики пуқраларни бовақ, кичик бала, айал дәп айрип олтурмастин өлтүрүшигә әң күчлүк наразилиқни түркийәниң билдүргәнликини ейтти вә «бирлири бу әһвалдин биарамлиқ һес қилмақта. биарам боливәрсун, биз изилгүчиләрниң сепидә турушни давамлаштуримиз» деди.
муавин баш министир әмруллаһ ишләр, исраилийәниң 16, 17 күнниң мабәйнидә ғәззәни чәкләнгән қоралларни ишлитип бомбардиман қилишиға б д т, б д т хәвпсизлик кеңиши, ғәрб әллири һәтта ислам дөләтлириниң сүкүт қиливатқанлиқини әскәртти.
бу әпсуслинарлиқ әһвалға қарши бирдинбир аваз түркийәдин көтүрүлгәндә, бирлириниң биарам болғанлиқини қәйт қилған ишләр, «бизниң тарихтин давамлишип келиватқан бир мәсулийитимиз бар. бизниң сеңип кәткән бир әнәнимиз бар. биз һәрдаим зулумға учриғучиларниң сепидә туруп кәлдуқ. буниңдин кейинму шундақ қилишни давамлаштуримиз. башқилар немә десә десун, биз сийаситимизни давамлаштуримиз» деди.