иһсаноғлу сайлам хизмәтлирини истанбулда давамлаштурмақта

җумһур рәис намзати әкмәлуддин иһсаноғлу, түркийәниң бирлик вә баравәрлик ичидә болушни халайдиғанлиқини тәкитлиди.

68980
иһсаноғлу сайлам хизмәтлирини истанбулда давамлаштурмақта

җумһур рәис намзати әкмәлуддин иһсаноғлу, түркийәниң бирлик вә баравәрлик ичидә болушни халайдиғанлиқини тәкитлиди.
хизмәтлирини түнүгүн истанбулда давамлаштурған җумһур рәис намзати әкмәлуддин иһсаноғлу, алди билән мисир базири әтрапини айланди, кәч тәрәптә әсәнләрдә берилгән иптар зийапитигә қатнашти. иптарға түркийә бүйүк милләт мәҗлиси башлиқи вәкили мәрал ақшәнәр, миллийәтчи һәрикәт партийәсиниң бир қисим парламент әзалири билән вилайәт вә наһийә тәшкилатлириниң рәһбәрлириму қатнашти. әкмәлуддин иһсаноғлу иптардин кейин қилған сөзи әснасида җумһур рәислик сайлиминиң әһмийитини тәкитлиди.
иһсаноғлу, «түркийә, җумһур рәислик сайлимида дөләтни бир вә баравәр тутуп туридиған, бир пүтүнлүкни сақлап қалидиған, дөләтни күчләндүридиған, өзиниң сийасий қаришини мәҗбури қобул қилдурмайдиған, сийасий партийәләрни бир – биридин үстүн көрмәйдиған, һәммини бағриға басидиған кишини таллайду» деди.
әкмәлуддин иһсаноғлу арқидин әсәнләр дөрт йол мәйданидики рамизанлиқ паалийәт орниға берип, һөнәрвән – касиплар вә амма билән сөһбәтләшти. иһсаноғлу, қәдир кечисиниң пүтүн түркийә вә ислам дунйасиға хатирҗәмлик елип келишини тилиди.


خەتكۈچ:

مۇناسىۋەتلىك خەۋەرلەر