түркийә, ‹ғәззәгә йардәм› сәпәрвәрлик паалийитини башливәтти

түркийә, исраилийәниң ғәззә һуҗумлири нәтиҗисидә панаһлиниш, ачлиқ, уссузлуқ вә саламәтлик мәсилилиригә дучар болған пәләстинләргә йардәм қилиш сәпәрвәрлик паалийәтлири башлиди.

67698
түркийә, ‹ғәззәгә йардәм› сәпәрвәрлик паалийитини башливәтти

баш министирлиқ мәһкимиси, исраилийәниң пәләстингә қарашлиқ ғәззә районида елип барған һәрбий һәрикәтлиридә панаһлиниш, ачлиқ, уссузлуқ вә саламәтлик мәсилилиригә дучар болған пәләстинләргә йардәм қилиш сәпәрвәрлик паалийәтлири башлиди.
баш министир рәҗәп таййип әрдоғанниң имзаси билән рәсмий гезитниң бүгүнки санида елан қилинған уқтурушта, «түркийә җумһурийити, йардәмлишиш вә һәмкарлиқ туйғуси күчлүк болидиған мубарәк рамизан ейида хәлқимизниңму арзулириға асасән, дост вә қериндаш пәләстин хәлқи үчүн һәр түрлүк йардәм вә қоллашни ишқа ашуриду» дегән ибариләр ишлитилди. бу қетимқи йардәм қилиш сәпәрвәрлик паалийитигә диний ишлар башқармисиниң рийасәтчилик қилидиғанлиқи әскәртилгән уқтурушта, валий мәһкимлири, шәһәрлик һөкүмәтләр башта болуп барлиқ дөләт идарә – органлиридин йиғилған йардәмләрниң бир йәргә җәмлинидиғанлиқи әскәртилди.
рәсмий вә ғәйри рәсмий киши вә иҗтимаий күчләр башқурушидики органларниң йиғқан йардәмлирини районға әвәтип бериш үчүн баш министирлиқ мәһкимиси тәрипидин йеза – игилик вә вәқиф банкилирида ечилған һесаб номурлириға йатқузса болидиғанлиқи қәйт қилинди. уқтурушта йәнә, диний ишлар башқармиси тәрипидин елан қилинидиған қисқа учур номуриға ‹ғәззә› дәп йезип ианә қилишқа болидиғанлиқиму әскәртилди.
йардәм сәпәрвәрлик паалийәтлиригә тәвә банка һесаб номурлири төвәндикичә:


зираәт (йеза – игилик) банкиси әнқәрә камо гиришимчи шөбиси:


түркийә лираси хәлқара бирликкә кәлгән һесаб номури:

TR87 0001 0025 3334 2869 8550 77
америка доллири хәлқара бирликкә кәлгән һесаб номури:

TR60 0001 0025 3334 2869 8550 78
йавро хәлқара бирликкә кәлгән һесаб номури:

TR33 0001 0025 3334 2869 8550 79
әнглийә фонд ситирлиң хәлқара бирликкә кәлгән һесаб номури:

TR06 0001 0025 3334 2869 8550 80
банкилар ара пул – муамилә коди:

TCZBTR2A

вәқиф банкиси әнқәрә мәшрутийәт шөбиси:


түркийә лираси хәлқара бирликкә кәлгән һесаб номури:

TR86 0001 5001 5800 7302 4262 11
америка доллири хәлқара бирликкә кәлгән һесаб номури:

TR50 0001 5001 5804 8014 8011 62
йавро хәлқара бирликкә кәлгән һесаб номури:

TR78 0001 5001 5804 8014 8011 43
банкилар ара пул – муамилә коди:

TVBATR2A

 


خەتكۈچ:

مۇناسىۋەتلىك خەۋەرلەر