гүл: ислам әллири ақиланилиқ билән һәрикәт қилиши керәк

җумһур рәис абдуллаһ гүл малатйада сурийәлик мусапирлар билән иптар дастихинида учрашти.

67793
гүл: ислам әллири ақиланилиқ билән һәрикәт қилиши керәк

җумһур рәис абдуллаһ гүл малатйада сурийәлик мусапирлар билән иптар дастихинида учрашти.
иптардин илгири сурийәлик мусапирлар туруватқан бәйдағи лагерида малатйа валийси васип шаһин вә түркийә апәт вә җиддий әһвалларни битәрәп қилиш идариси башлиқи фуат октай лагерда туруватқан 7 миңға йеқин сурийәлик мусапир һәққидә доклат бәрди. гул, контейнир шәһәрдики тоқумучилиқ завутини көздин кәчүрди. екскурсийәдин кейин у йәрдә берилгән иптарға иштирак қилған гүл, «әпсуски, бу мубарәк рамизанда қәлбимиз қан йиғлимақта» деди. гүл, ислам дунйасидики рәһбәрләрниң сағлам әқил билән һәрикәт қилиши керәкликини ейтти. «силәр дуч кәлгән бу азаблар бизниму чоңқур қайғуға салмақта вә шуниңға ишниңларки, силәрниң азаблириңларни пүтүн түрк миллити чоңқур һес қилмақта» җумһур рәис гүл, бир күни сағлам әқилниң һөкүмран орунға өтидиғанлиқиға вә тартиливатқан азабларниң ахирлишидиғанлиқиға ишинидиғанлиқини тәкитләп өтти.
гүл, сурийәдә хатирҗәмликниң қайтидин тәсис қилиниши үчүн түркийәниң пүтүн күчи билән сийасий, дипломатик хизмәтләрни ишлигәнликини әскәртти вә пүтүн арзулириниң сурийәликләрниң бир күни хатирҗәм һалда өй – маканлириға қайтишини күчкә игә қилиш икәнликини қәйт қилди.


خەتكۈچ:

مۇناسىۋەتلىك خەۋەرلەر