еһсаноғлу сәпәрвәрлик һәрикәтлирини давамлаштурмақта

җумһур рәис намзати әкмәләддин еһсаноғлу намзатлиқтин кейин сәпәрвәрлик һәрикәтлирини давамлаштурмақта

67042
еһсаноғлу сәпәрвәрлик һәрикәтлирини давамлаштурмақта

түркийә авази радийоси хәвири: җумһур рәис намзати әкмәләддин еһсаноғлу намзатлиқтин кейин сәпәрвәрлик һәрикәтлирини давамлаштурмақта.
еһсаноғлу, бу һәптики сәпәрвәрлик һәрикәтлирини мазар зийарәтлири билән башлиди.
сабиқ баш министир бүләнт әҗәвит, миллийәтчи һәрикәт партийәсиниң сабиқ рәһбири апларслан түркәш, бүйүк бирлик партийәси сабиқ рәһбири муһсин йазиҗиоғлуниң мазирини зийарәт қилған еһсаноғлу, сабиқ сийасийонлар үчүн дуа қилди.
еһсаноғлу, кейинчә ирақлиқ түркмәнләрниң вәкиллири билән көрүшти.
еһсаноғлу, учришишта, «түркийә болуш сүпиитмиз билән әрәб қериндашлиримизға қандақ көңүл бөлсәк, түрк қериндашлиримизғиму шундақ көңүл бөлүшимиз лазим» деди.
һәрқайси гезит вә телевизийә қаналлириниң әнқәрә вәкиллири биләнму бир йәргә җәм болған еһсаноғлу, йавропа бихәтәрлик вә һәмкарлиқ тәшкилатиға қарашлиқ демократик тәшкилатлар вә кишилик һоқуқ тәшкилатлириниң иш беҗириш орунлириниң рәһбәрлири биләнму сайлам басқучи тоғрулуқ музакирә елип барди.
еһсаноғлу, мейиплар федератсийәси әзалири билән елип барған учришишида болса, җумһур рәисликкә сайланған тәқдирдә, мейипларға мәслиһәт кеңиши қуруп бериш тоғрулуқ вәдә бәрди.
әкмәләддин еһсаноғлу, йавропа кеңиши парламент әзалири мәҗлисигә қарашлиқ сайлам көзитиш әтрити биләнму көрүшти.


خەتكۈچ:

مۇناسىۋەتلىك خەۋەرلەر