бабаҗан бирләшкән дөләтләр тәшкилатини тәнқид қилди

муавин баш министир әли бабаҗан ғәззәдә инсанлар қәтлә қилиниватқан бир пәйттә, хәлқаралиқ тәшкилатлар билән бирләшкән дөләтләр тәшкилатиниң сүкүт қилишини тәнқид қилди

67027
бабаҗан бирләшкән дөләтләр тәшкилатини тәнқид қилди

түркийә авази радийоси хәвири: муавин баш министир әли бабаҗан ғәззәдә инсанлар қәтлә қилиниватқан бир пәйттә, хәлқаралиқ тәшкилатлар билән бирләшкән дөләтләр тәшкилатиниң сүкүт қилишини тәнқид қилди.
әли бабаҗан, әнқәрәниң қазан наһийәсидә «йеңи түркийә фонди җәмийити» тәрипидин берилгән иптар зийапитидә сөзлигән нутиқида, «кишилик һоқуқ саһәсидә паалийәт елип бериватқан йүзләрчә тәшкилат бар, әмма немишқикин инсанлар билән балиларға балина вә йунус белиқлиричиликму әһмийәт берилмәйиватиду» деди.
бабаҗан, бирләшкән дөләтләр тәшкилати системиси билән дунйадики хәлқаралиқ системиниң алаһидиликини йоқатқанлиқи вә вәзипилирини ада қилалмайдиған әһвалға чүшүп қалғанлиқиниң толиму әпсуслинарлиқ иш икәнликини әскәртип мундақ деди: «бүгүнки күндә, ислам дунйасида йуқири авазда хитаб қиливатқан, дәрдмәнләрниң дәрдигә йетиватқан, қйинчилиқлирини оттуриға қойуш вә һәл қилишқа тиришиватқан йеганә дөләт түркийә вә баш министир әрдоған бар.»


خەتكۈچ:

مۇناسىۋەتلىك خەۋەرلەر