әрдоған истиратегийәлик нишан пиланини елан қилди

түркийә авази радийоси хәвири: җумһур рәис намзати вә баш министир рәҗәп таййип әрдоған, истиратегийәлик нишан пиланини истанбулда елан қилди.
«йеңи түркийә йолида» темилиқ истиратегийәлик нишан пилани, демократик һакимийәт, параванлиқ җәмийити вә башламчи дөләт темилиридин тәшкил тапиду. баш министир әрдоған, җумһур рәисликкә сайланған тәқдирдә, террозимниң үзүл - кесил йоқитилиши үчүн ишқа ашурулуватқан чарә басқучиниң тәқибчиси болидиғанлиқлири вә йеңи асасий қанун хизмитини ишқа кириштүридиғанлиқлирини тәкитлиди. баш министир әрдоған, истиратегийәлик нишан пиланини, сәнәтчиләр, йазғучилар, аммиви тәшкилатларниң вәкиллири, һөкүмәт әзалири, парламент әзалири, һәрқайси партийәләр вә ахбарат вастилири иштирак қилған мурасимда елан қилди. әрдоған, байанатида, милли ирадә вә қанунниң һәммидин үстүн орунда туридиғанлиқини тәкитлиди. әрдоған ташқи сийасәтниң тинчлиқни тәқәзза қилидиғанлиқини әскәртип мундақ деди: «10 - авғуст күни миллитимиз пәқәт җумһур рәисинила сайлап чиқмайду, йеңи түркийәниң дәрвазилириниму кәң ачиду. йеңи түркийә һәмминиң мәмликитидур. йеңи түркийә һәммигә баравәр муамилә қилидиған түркийәдур.»