түркийә оттура асийа вә африқида лидәрлик ролини ойнайду

мәзкур келишимгә асасән, түркийә көп санда дөләттә орманчилиқ, хорашни тәкшүрүш, чөллишишниң контрол қилиш қатарлиқ саһәләр бойичә 10 милйон доллар һәссә қошиду.

83451
түркийә оттура асийа вә африқида лидәрлик ролини ойнайду

түркийә оттура асийа вә африқида лидәрлик ролини ойнайду؛ орман вә су ишлири министири вәйсәл әроғлу, бирләшкән дөләтләр тәшкилати (б д т) ашлиқ вә йеза игилик оргини билән әнқәрәдә шерикчилик келишими имзалиди. мәзкур келишимгә асасән, түркийә көп санда дөләттә орманчилиқ, хорашни тәкшүрүш, чөллишишниң контрол қилиш қатарлиқ саһәләр бойичә 10 милйон доллар һәссә қошиду.
түркийә, мәзкур келишимгә асасән оттура асийа вә африқида лидәрлик ролини үстигә алиду. имзаланған келишимниң түркийәниң орманчилиқ паалийәтлириниң дунйаға ечилиши нуқтисидин муһим икәнликини билдүргән министир әроғлу, түркийәниң нөвәттә йардәм алидиған әмәс, йардәм қилидиған дөләт болғанлиқиниң ейтти.
әроғлу, «түрк җумһурийәтлири, шималий африқа вә оттура шәрқ әллири билән орманчилиқ саһәсидики һәмкарлиқимиз йеңи бир басқучқа кириду. түркийә орманчилиқ саһәсидә елип бериватқан хизмәтлирини вә тәҗрибилирини дост, қериндаш вә қошна әлләргә йәткүзүш пурситини қолға кәлтүриду» деди.
б д т ашлиқ вә йеза – игилик оргининиң баш директори силва болса: «ашлиқ вә йеза – игилик оргини орманчилиқ саһәсидә түркийәниң рәһбәрликини қобул қилмақта. бу пиланлар даирисидә нишанлиримиз охшаш. түркийә чөллишишкә қарши муһим күрәшләрни қилди. һөрмәтлик министирға ашлиқ вә йеза – игилик оргини болуш сүпитимиз билән бизму йардәм қилишқа тәййармиз» деди.


خەتكۈچ:

مۇناسىۋەتلىك خەۋەرلەر