түркмәнистан вә қирғизистан рәһбәрлири түркийәдә

түркмәнистан пирезиденти гурбангули бәрдимуһәммәдов вә қирғизистан җумһур рәиси алмазбек атамбайев түркийәдә зийарәттә болмақта...

82504
түркмәнистан вә қирғизистан рәһбәрлири түркийәдә

түркмәнистан пирезиденти гурбангули бәрдимуһәммәдов вә қирғизистан җумһур рәиси алмазбек атамбайев түркийәдә зийарәттә болмақта...
түрк кеңишиниң 4- нөвәтлик башлиқлар йиғиниға иштирак қилиш үчүн түркийәгә кәлгән түркмәнистан пирезиденти гурбангули бәрдимуһәммәдов, түнүгүн җумһур рәис абдуллаһ гүл тәрипидин чанқайа җумһур рәислик сарийида рәсмий мурасим өткүзүлүп қарши елинди.
арқидин айрим вә һәйәтләр ара учришишлар өткүзүлди.
гүл қошма мухбирларни күтүвелиш йиғинида, түркмәнистан билән болған мунасивәтләрниң мукәммәл сәвийәдә икәнликини тәкитлигән һалда, «мунасивәтлиримизниң һәрқайси саһәләрдә техиму раваҗландурулуши үчүн ирадимизни намайан қилдуқ. түркмәнситан билән мукәммәл һаләттә кетиватқан мунасивәтлиримизниң әң муһимлири иқтисад вә сода саһәсидә ройапқа чиқмақта» деди.
бәрдимуһәммәдувму зийарәтниң нишаниға йәткәнликини ейтти.
бәрдимуһәммәдов арқидин баш министир әрдоған билән көрүшүш вә шәрипигә берилгән чүшлүк зийапәткә иштирак қилиш үчүн баш министирлиқ мәһкимисигә барди.
бәрдимуһәммәдов мәҗлис башлиқи җәмил чичәкниму мәҗлистики хизмәт орнида зийарәт қилди.
җумһур рәис абдуллаһ гүл, түркмәнистан пирезиденти бәрдимуһәммәдовниң шәрипигә чанқайа җумһур рәислик сарийида кәчлик зийапәт бәрди.
гүл зийапәттә икки дөләт арисидики мунасивәтләрниң йеқинқи 7 йили үстидә муһакимә йүргүзүп, «бир нуқтидин елип ейтқанда, түркийә – түркмәнистан мунасивәтлиридики ‹алтун дәвр› ниң намайан болушидур. нишанимиз бу нуқтини муһапизәт қилғанда һалда, һәмкарлиқимизға йеңи нуқтиларни илавә қилишни давамлаштуруштур» деди.
бәрдимуһәммәдму зийаритиниң икки дөләт арисидики мунасивәтләрниң гүллинишигә вә көп хиллишишиға алаһидә һәссә қошидиғанлиқиға ишинидиғанлиқини әскәртти.
бәрдимуһәммәдув җумһур рәис абдуллаһ гүлгә мәхтумқули фирақи медалини тақиди.
қирғизистан җумһур рәиси алмазбек атамбайевму түнүгүн чанқайа җумһур рәислик сарийиға барған иккинчи бир рәһбәр болди.
атамбайев алди билән җумһур рәис абдуллаһ гүл тәрипидин қарши елинди вә икки җумһур рәис айрим учришиш өткүзди.
атамбайев арқидин баш министирлиқ мәһкимисигә берип, баш министир әрдоған билән көрүшти.
икки рәһбәр айрим учришиштин кейин түркийә – қирғизистан йуқири дәриҗилик истратегийәлик һәмкарлиқ кеңиши йиғиниға қатнашти.
йиғиндин кейин атамбайев билән әрдоған һәмкарлиқ келишими имзалиди вә икки рәһбәр қошма мухбирларни күтүвелиш йиғини өткүзүди.
баш министир әрдоған, қирғизистанниң өзгириш вә бурулуш нуқтисида икәнликини, бу басқучта сийасий, әскирий, иқтисадий, сода, мәдәнийәт, маарип саһәлиридики мунасивәтләрниң күчәйгәнликини билдүрди.
әрдоған нөвәттә қирғизистан билән ташқи сода һәҗминиң 426 милйон доллар икәнликини әскәртип, «нишанимиз 2015- йилиниң ахириғичә буни бир милйард долларға йәткүзүштур» деди.


خەتكۈچ:

مۇناسىۋەتلىك خەۋەرلەر