давутоғлу, һәйбәлиада уруш парахотини екискурсийә қилди

танзанийәдә хизмәт зийаритидә болуватқан давутоғлу, TCG һәйбәлиада парахотида һәрбий мурасим арқилиқ қарши елинди

78312
 давутоғлу, һәйбәлиада уруш парахотини екискурсийә қилди

түркийә авази радийоси хәвири: давутоғлу, һәйбәлиада уруш парахотини екискурсийә қилди.
танзанийәдә хизмәт зийаритидә болуватқан давутоғлу, TCG һәйбәлиада парахотида һәрбий мурасим арқилиқ қарши елинди.
давутоғлуға, барбарос түрк вәзипә өтәш гурупписи вә парахотлар һәққидә мәлумат берилди.
парахотни көздин кәчүргән давутоғлу, көврүкниң үстигә чиқип, дурбун билән окйанни көзәтти. кейинчә деңизчиларға хитаб қилған давутоғлу, барбарос түрк вәзипә өтәш гурупписиниң вастиси арқилиқ түркийәниң хәлқара деңиз тәвәликидә өзиниң қудритини намайән қилғанлиқини әскәртти.
барбарос түрк вәзипә өтәш гурупписиниң, мәниви, истиратегийәлик вә дипломатик җәһәттин түркийәгә вәкиллик қиливатқанлиқини әскәрткән давутоғлу, «силәр бесип өткән һәр бир портта қизғин алқишқа ериштиңлар һәмдә тәнтәнилик һалда қарши елиндиңлар, буниңдин чәксиз иптихарлинимиз. шуниң билән бир вақитта, африқа портлирида һәр бириңлар худди пәхри баш әлчиләрдәкла хизмәт көрсәттиңлар. истиратегийәлик җәһәттин байриқимизни хәлқаралиқ деңиз тәвәликлиридә ләрзан ләпилдәттиңлар. җәнубий африқа деңиз тәвәликлиридә ишқа ашурған маневирлириңларда қолға кәлтүргән мувәппәқийәтлириңлар биз билмәйдиған су тәвәликлиригә қанчилик дәриҗидә тез йетип барғанлиқиңларни көрситиду, һәммиңларға көптин көп рәһмәт ейтимән» деди.
түркийәниң, хәлқара деңиз тәвәликлиридә һәрбий һәрикәт елип баралайдиған 10 күчлүк дөләттин бири икәнликини әскәрткән давутоғлу, түркийәниң адәттин ташқири күчкә айлиниш йолида ғәлибисери алға илгириләватқанлиқини тәкитлиди.
барбарос түрк вәзипә өтәш гурупписи парахотлири, африқа сәпири даирисидә 3 күн илгири танзанийәниң даруссалам портиға йетип барғаниди. африқиниң охшимиған портлирини зийарәт қилған парахотлар, танзанийәдин кейин кенийә, җибути вә судан портлирини зийарәт қилғандин кейин, сувәйш қанилидин өтүп, түркийәгә қайтиду.


خەتكۈچ:

مۇناسىۋەتلىك خەۋەرلەر