сомадики кан паҗиәси тәпсилати оттуриға чиқти

сомадики кан паҗиәсидә 8 кишиниң қолға елинишида муһим рол ойниған доклат, диққәт қозғайдиған тәпсилатларни оттуриға чиқарди

71754
сомадики кан паҗиәси тәпсилати оттуриға чиқти

түркийә авази радийоси хәвири: сомадики кан паҗиәсидә 8 кишиниң қолға елинишида муһим рол ойниған доклат, диққәт қозғайдиған тәпсилатларни оттуриға чиқарди.
2 нәпәр җумһурийәт тәптиш әмәлдари билән 4 мутәхәссистин тәшкил тапқан һәйәтниң сома көмүр кенида елип барған тәкшүрүши нәтиҗисидә һазирланған алдинқи доклатта, от апитиниң трансформатор мәнбәлик әмәслики қәйт қилинди.
кандики карбон чала оксидлиқ қиммәт өлчәмлириниң хәвплик чәклимисидин 10 һәссә ешип кәткәнлики әскәртилгән доклатта, «йуқири сәвийәдики карбон чала оксидлиқ газ, көмүрниң өзлүкидинла от елип кетишиниң әң муһим ишарити» дейилди.
доклатта, мунасивәтлик бәлгилимиләргә асасән техник наразәтчиләрниң, һәр 15 күндә бир қетим өлчәм нәтиҗисини «тәстиқтин өткән техникилиқ назарәтчиләр дәптәрлири» гә йезип қойуш мәҗбурийити болушиға қаримай, вәзиписини иҗра қилмиғанлиқиниң ениқлап чиқилғанлиқи әскәртилди.
доклатта мундақ дейилди: «тәхминимизгә көрә, вәқәдә техник назарәтчи, башқуруш комитетиниң мудири, саһә саһиби, әмгәк бихәтәрлики баш енжинери, ширкәтниң башлиқи вә диҗорни мәсуллири қатарлиқлар қусурлуқ дәп қараватимиз.»


خەتكۈچ:

مۇناسىۋەتلىك خەۋەرلەر