28.04.2023

türkiye awazi radiyosi: «hörriyet» géziti: jumhur reis rejep tayyip erdoghanning tünügün ötküzülgen aqqoyu yadro éléktir istansisining tunji yadro yéqilghusi yetküzüsh sixini xizmetke kirishtürüsh murasimigha sin körünüshlük ishtirak qilip, türkiyening yadro énérgiyesi döletliri birleshmisige örligenlikini éytqanliqini oqurmenlirining diqqitige sundi.

«sabah» géziti: rusiye pirézidénti wiladimir putinning tünügün  ötküzülgen aqqoyu yadro éléktir istansisining tunji yadro yéqilghusini yetküzüsh sixini ishqa kirishtürüsh murasimida söz qilip, türkiyening dunyadiki eng erzan énérgiyelerning biri bolghan yadro énérgiyesige ige bir döletke aylanghanliqini éytqanliqini yazdi.

«weten» géziti: énérgiye we tebiiy bayliq ministiri fatih dönmezning tünügün mersinde ötküzülgen aqquyu yadro éléktér istansisini xizmetke kirishtürüsh murasimidin kéyin bayanat bérip, buningdin kéyinki yadro éléktér istansilirining sinop we trakyada qurulidighanliqigha isharet qilip ötkenlikini xewer qildi.

«star» géziti: türkiye jumhuriyiti dölet mudapie ministiri xulusi aqarning tünügün söz qilip, enqerening türkiye bilen girétsiye otturisidiki saqliniwatqan mesililerni qanun dairiside hel qilish qarishining semimiy we estayidil ikenlikini éytqanliqini we sözini dawamlashturup: «ege déngizi <dostluq we tinchliq déngizi bolsun> bayliqlar adil teqsimlensun» dégenlikini xewer qildi.

«yéngi shepeq» géziti: türkiye hawa yolliri shirkiti (THY)ning ela mulazimetliri iblen dunyadiki eng ishenchlik we hörmetke sazawer awiyatsiye shirketliri biri dep étirap qilinghan <awiyatsiye yoluchilar tejribisi jemiyiti>ning yawropaning «eng yaxshi köngül échish» we yawropaning «eng yaxshi yémeklik we ichimlik» mukapatigha érishkenliki toghrisidiki uchurlarni oqurmenlirining diqqitige sundi.