31.03.2023

türkiye awazi radiyosi: «hörriyet» géziti: dölet xewpsizlik kéngishining jumhur reis rejep tayyip erdoghanning riyasetchilikide chaqirilghan yighinidin kéyin bayanat élan qilip, yighinda 6 – féwraldiki yer tewreshlerdin kéyin otturigha chiqqan weziyet muhakime qilinip, rayonning turmushini normal haletke qayturushning ehmiyitining tekitlengenlikini yazdi.

«yéngi shepeq» géziti: finlandiyening shimaliy atlantik ehdi teshkilati – natogha eza bolushigha alaqidar höjjetning testiqlinishini mezmun qilghan qanun teklipining türkiye büyük millet mejlisi omumiy kéngishining maqulluqidin ötkenlikini xewer qildi.

«weten» géziti: bayraqtar shirkitining pütünley öz meblighige tayinip, yerlik we milliy imkaniyetlerdin paydilinip yasap chiqqan «bayraqtar qizilelma» namliq uchquchisiz urush ayropilanini uchurup sinaq qilish xizmetlirining dawamlishiwatqanliqini, uning bu qétim ottura égizlik sistémisini perqlendürüsh siniqidinmu muweppeqiyetlik ötkenliki toghrisidiki uchurlarni oqurmenlirining diqqitige sundi.

«star» géziti: israiliyening «el al guruhi» qarmiqidiki Sun d'Or awiyatsiye shirkitining aridin 16 yil ötkendin kéyin türkiyege qatnashni eslige keltürgenlikini yazdi.

«sabah» géziti: rusiye sayahet shirketliri jemiyitining bayanat bérip, rusiye sayahet shirketlirining baldur zakas qilish paaliyiti dairiside, türkiyediki yazliq tetillik yürüshlük mulazimetlirining 30-40 pirsentini sétip bolghanliqini bildürgenlikini xewer qildi.