16.03.2023
bügünki türkiye gézitliride asasiy salmaqni igiligen xewerlirimiz töwendikiche:
«‹xewer türk› géziti», «erdoghan bir yilda 650 ming turalghu sélip bérishke wede berdi» serlewhilik xewiride, munu uchurlargha orun ajratti:
jumhur reis rejep tayyip erdoghan 6 - féwraldiki yer tewreshlerde weyran bolghan sheherlerni bir yil ichide eslige keltürüshke wede bergenlikini bildürüp, 650 ming öy sélip heq igilirige tapshurup bérishni pilanlighanliqini éytti. erdoghan: «yéqinqi 20 yilda biz ishqa kirishtürgen 1 milyon 180 ming ammiwi turalghu we sheherni qurulushuni özgertish layihesi boyiche biz yasap chiqqan 3 milyon 300 ming öy wedimizni emelge ashuridighanliqimizning kapalitidur» dédi.
«‹höriyet› géziti», shimaliy atlantik ehdi teshkilatigha eza bolush üchün türkiyening testiqlishini saqlawatqan finlandiye we shiwitsiyede hemmining diqqitining enqere dairiliridin kélidighan testiqke mezkezleshkenlikini, türkiyening bolsa, shiwitsiyege emes, belki teleplerni orundighan finlandiyege yéshil chiragh yaqqanliqini, jumhur reis erdoghanning bu heqtiki bayanatida, «finlandiyening shimaliy atlantik ehdi teshkilatigha eza bolushi toghrisida bergen wedimizni jüme küni emelge ashurimiz» dégenlikini xewer qildi.
«‹yéngi shepeq› géziti», erdoghanning finlandiye heqqidiki bayanati dunya metbuatliridin keng orun aldi» serlewhilik xewiride, munu uchurlargha orun ajratti:
jumhur reis erdoghanning finlandiyening shimaliy atlantik ehdi teshkilatigha eza bolushi toghrisidiki bayanatida «biz tégishlik mejburiyitimizni ada qilimiz, jüme küni bergen wedimizni orundaymiz» dégen sözliri dunya metbuatliridin keng orun aldi. yawropa metbuatliri bu ehwalni «shiwitsiye siritta qaldi», «qorqqan ish bashqa keldi» dégen bahalashlar bilen xewer qildi.
«‹star› géziti» «türkmenistan hidro karbon bayliqlirini hembehirlishishke teyyar» serlewhilik xewiride, türkmenistan xelq shurasi reisi qurbanguli bérdimuhemmedowning «türkmenistan musteqilliqini jakarlighanda tunji bolup étirap qilghan dölet, türkiye bolghan idi. shunglashqa dölitimizning hidro karbon bayliqlirini türk ailimiz bilen hembehirlishishni nishan qilimiz» dégenlikini yazdi.
«‹weten› géziti», bursaning gemlik rayonida ishlepchiqirilghan, türkiyening tunji tughulishidin éléktronluq eqliy iqtidargha ige aptomobili <tog> ning oxshimighan rengdiki modilliri bilen yollarda sinaq qiliniwatqanliqini, bursaning chong yoli we kochilirida sinaq qilinghan <tog> ning puqralar teripidin qizghin alqishigha érishkenlikini, tizgineklik hawa apirati arqiliq yuqiridin tartilghan kürnüshleirining heywiti bolsa, hemmeylenni meptun qilghanliqini xewer qildi.
