09.12.2022

бүгүнки түркийә мәтбуатида орун алған муһим хәвәрләрниң қисқичә мәзмунлири төвәндикичә:

1916670
09.12.2022

түркийә авази радийоси: «һүррийәт» гезити: җумһур рәис рәҗәп таййип әрдоғанниң «түркийә 2023 йиғини»ға йоллиған син көрүнүшлүк телеграммисида: «қиммәтчилик вә пул пахаллиқи мәсилисини қәдәммуқәдәм һәл қиливатимиз. йолға қойған тәдбирлиримиз сайисида, иншааллаһ, алдимиздики йил бешидин тартип пул пахаллиқини бойнини сундурған болимиз» дегәнликини хәвәр қилди.

«сабаһ» гезити: түркийә җумһурийити дөләт мудапиә министири хулуси ақарниң, америка қошма иштатлириниң түркийәгә F-16 уруш айропилани сетип беришкә тосалғу болидиған шәртләрниң 2023 – йиллиқ дөләт мудапиәси салаһийәтләндүрүш қанунидин чиқириветилиши тоғрисида тохтилип: «иҗабий өзгиришләргә асасән, американиң иҗабий вә конкерт қәдәмләрни ташлишини күтүватимиз. биз бу мусапиниң тез сүрәттә иҗабий нәтиҗилинишини үмид қилимиз» дегәнликини йазди.

«йеңи шәпәқ» гезити: сербийә пирезиденти александр вуҗичниң, түркийәни балқан райониниң тинчлиқ вә муқимлиқини қоғдаш һәмдә ул әслиһә вә енергийә саһәсидики муһим түрләрниң ройапқа чиқирилишидики муһим шерик дәп қарайдиғанлиқини оттуриға қойғанлиқиға даир учурларни оқурмәнлириниң диққитигә сунди.

«хабәртүрк» гезити: ақдеңиз йеңи мевә-чевә вә көктат експортчилар җәмийити рәиси фәрһат гүрүзниң, түркийәниң нойабирда 354 милйон 900 миң долларлиқ йеңи мевә вә көктат експорт қилғанлиқини, бу мәзгилдә әң көп мәһсулат експорт қилинған дөләтниң русийә болғанлиқини билдүргәнликини йазди.

«стар» гезити: авийатсийә тор бекити «TheDesignAir»ниң истанбул айродруминиң йолучиларни қобул қилиш нуқтилири вә учуш тәҗрибиси лайиһәсигә асасән түркийә һава йоллири ширкитини «2022-йилиниң йавропадики әң йахши лайиһәләнгән авийатсийә ширкити» дәп таллиғанлиқини хәвәр қилди.



مۇناسىۋەتلىك خەۋەرلەر