08.12.2022

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1916369
08.12.2022

 

«йеңи шәпәқ гезити», «фирансийә мәтбуатлиридин җумһур рәис әрдоғанға мәдһийә» сәрләвһилик хәвиридә, муну учурларға орун аҗратти:

фирансийәниң «ле монде» гезитидә, русийә-украина уруши билән дунйа қейин мәзгилни баштин кәчүрүватқан бир пәйттә, ашлиқ каридори келишимидә муһим рол айнаш арқилиқ 400 милйонға йеқин инсанни ачлиқтин қутулдурған җумһур рәис рәҗәп таййип әрдоған үчүн «астин-үстүн болуп кәткән дунйаниң нуқсанлириға өзигә болған һәшәмәтлик бир ишәнчиси билән шуңғуйалайду» дегән мәдһийә ишлитилди һәмдә әрдоғанниң сийасий кризисни пурсәткә айландуруш иқтидариму алаһидә тәкитләнди.

«стар гезити», «чавушоғлу американиң F-16 қәдими тоғрисида байанат елан қилди» сәрләвһилик хәвиридә, муну учурларға орун аҗратти:

дипломатийә министири мәвлут чавушоғлу америка авам палатасида түркийәниң F-16 сетивелишини чәклимигә учритиш үчүн қойулған маддиларниң чиқирип ташланғанлиқи үстидә тохтилип, «дөләт мудапиә һоқуқи қануниниң беләт ташлашқа сунулидиған ахирқи текистидә сәлбий амилниң болмаслиқи иҗабий тәрәққийаттур, биз буни иҗабий қарши алимиз» деди.

«һөрийәт гезити», «ибраһим калин: <қибрис дәваси пүткүл түрк дунйасиниң дәвасидур> деди» сәрләвһилик хәвиридә, муну учурларға орун аҗратти:

җумһур рәис байанатчиси ибраһим калин: «қибрис дәваси пүткүл түрк дунйасиниң дәвасидур. қибрис дәваси бир һәқ - һоқуқ, қанун вә адаләт дәвасидур. бир земин йаки һакимийәт мәсилиси болуштинму бәк, асасалиқ инсаний һәқ - һоқуқ вә қанунниң шундақла хәлқара қанун өлчәмлириниң иҗра қилинишини әскәртидиған бир дәвадур» деди.

«сабаһ гезити», «деһқанчилиқ саһәси айлиқ екиспорт рекорти йаратти» сәрләвһилик хәвиридә, түркийә деһқанчилиқ саһәсиниң бир айда 3 милйард 329 милйон долларлиқ експорти шқа ашуруп, тарихтики әң йуқири айлиқ експорт нисбитини йаратқанлиқини оқурмәнлириниң диққитигә сунди.

«хәбәр түрк гезити», «түркийә аммивий авиатсийәсидә дунйа бойичә әң чоң учуш ториға игә дөләткә айланди» сәрләвһилик хәвиридә, муну учурларға орун аҗратти:

қатнаш вә ул әслиһә министири адил қараисмаилоғлу 2003 - йили 50 дөләттә 60 кә йәткән хәлқаралиқ учуш нуқтиси саниға йәнә 282 йеңи нуқта қошулғанлиқини билдүрүп: «2022 – йили нойабирда 130 дөләттики учуш нуқтимизни 342 гә өрләттуқ. шундақ қилип, түркийәни аммивий авиатсийәдә дунйа бойичә әң чоң учуш ториға игә дөләткә айландурған болдуқ» деди.

 



مۇناسىۋەتلىك خەۋەرلەر